கனமழை பாதிப்பு: டெல்டா மாவட்ட கலெக்டர்களுடன் முதல்வர் ஸ்டாலின் ஆலோசனை நடத்தினார்
தென்மேற்கு வங்கக்கடலில் உருவான டிட்வா புயலின் தாக்கத்தால் கடந்த மாதம் 27-ந்தேதி முதல் இலங்கையில் இரண்டு நாட்கள் கனமழை பொழிந்தது. இதனால் அந்நாட்டு பல பகுதிகள் வெள்ளத்தில் மூழ்கி, சில இடங்களில் நிலச்சரிவுகளும் ஏற்பட்டிருந்தன. இலங்கையில் பாதிப்பை ஏற்படுத்திய புயல் பின்னர் தமிழக கடலோரங்களை நோக்கி நகர்ந்தது.
அதன் விளைவாக 28-ந்தேதி முதல் தென் தமிழக மாவட்டங்கள், கடலோர பகுதிகள் மற்றும் காவிரி டெல்டா மாவட்டங்களில் இடையறாத கனமழை பெய்தது. மணிக்கு 55 முதல் 75 கிலோமீட்டர் வேகத்தில் காற்று வீசியது. ஆனால் புயல் கரையை முழுமையாக கடந்ததில்லை; கரையை தீண்டியவாறே கடல் பகுதியில் வலுவிழந்துவிட்டதாக வானிலை ஆய்வு மையம் தெரிவித்திருந்தது. புயல் பலம் குறைந்ததைத் தொடர்ந்து மழை தாக்கமும் படிப்படியாக தணிந்தது.
இந்த கனமழையின் காரணமாக டெல்டா மாவட்டங்களில் பரவலான வேளாண் சேதங்கள் ஏற்பட்டன. சேதமடைந்த பயிர்களுக்கு நிவாரணம் வழங்க வேண்டும் என்று விவசாயிகள் அரசு முன் கோரிக்கை வைத்திருந்தனர்.
இந்த சூழலில், டெல்டா மாவட்டங்களின் கலெக்டர்கள் மற்றும் வேளாண் அதிகாரிகளுடன் முதலமைச்சர் மு.க. ஸ்டாலின் இன்று ஆலோசனை நடத்தினார். சென்னை தலைமைச் செயலகத்தில் காலை 11 மணிக்கு தொடங்கிய இந்தக் கூட்டத்தில் புயல் பாதிப்புகள் மற்றும் நிவாரண நடவடிக்கைகள் குறித்து ஆலோசிக்கப்பட்டது.
