செங்கோட்டையன் அலுவலகத்தில் புதிய பேனர்

கோபி: அதிமுக முன்னாள் அமைச்சர் செங்கோட்டையன், இரண்டு நாட்களுக்கு முன் த.வெ.க.வில் சேர்ந்ததைத் தொடர்ந்து, அவர் நிர்வாக குழுத் தலைமை ஒருங்கிணைப்பாளர் மற்றும் நான்கு மாவட்டங்களுக்கான அமைப்பு செயலர் பதவிகளுக்கு நியமிக்கப்பட்டார்.

இதையடுத்து, ஈரோடு மாவட்டம் கோபி அருகே கரட்டூரில் உள்ள அவரது அலுவலகம் முன்பிருந்த பழைய அதிமுக பேனர் அகற்றப்பட்டு, புதிய த.வெ.க. பேனர் நேற்று பதிக்கப்பட்டது. அந்தப் பேனரில் முன்னாள் முதல்வர்கள் அண்ணா, எம்.ஜி.ஆர், ஜெயலலிதா ஆகியோரின் புகைப்படங்களுடன் த.வெ.க தலைவர் விஜய்யின் படமும் இடம்பெற்றுள்ளது.

கட்சியோடு செங்கோட்டையன் மாறினாலும், புதிய பேனரில் எம்.ஜி.ஆர் மற்றும் ஜெயலலிதா படங்கள் தொடர்ந்திருப்பது அதிமுக வட்டாரத்தில் எதிர்பாராத அதிர்ச்சியை ஏற்படுத்தியுள்ளது.

Post Views: 20