சேலத்தில் நடந்து சென்றவரிடம் வழிப்பறி! செல்போன் & ரூ.2000 பணம் பறிப்பு
சேலத்தில் நடந்து சென்ற நபரிடம் இளைஞர்கள் தாக்குதல் நடத்தி செல்போன் மற்றும் பணத்தை பறித்துச் சென்ற காட்சிகள் வெளியாகி பரபரப்பை ஏற்படுத்தியுள்ளது. சேலம் புதிய பேருந்து நிலையம் அருகே மேம்பாலத்தின் மீது திருநெல்வேலி பகுதியை சேர்ந்த இளைஞர் ஒருவர் தனது நண்பரை பார்ப்பதற்காக நடந்து சென்றுள்ளார்.
அப்போது இருசக்கர வாகனத்தில் வந்த இளைஞர்கள் 3 பேர் அவரை வழிமறித்து கடும் தாக்குதல் நடத்தி அவரிடம் இருந்த செல்போன் மற்றும் 2000 ரூபாய் பணத்தை பறித்துச் சென்றனர். பட்ட பகலில் காவல் நிலையம் அருகே நடந்து சென்ற நபரை கஞ்சா போதையில் இருக்கும் இளைஞர்கள் கடுமையாக தாக்கிய காட்சிகள் சமூக வலைதளங்களில் வைரலாகி வருகிறது. இந்த நிலையில் பாதிக்கப்பட்ட நபர் பள்ளப்பட்டி காவல் நிலையத்தில் புகார் அளித்துள்ளார்.
