தீபாவளிக்குப் பிறகு தங்கம் விலை இன்று தாறுமாறாக வீழ்ச்சி – நகை ரசிகர்களுக்கு இன்ப அதிர்ச்சி

தங்கம் விலையில் திடீர் வீழ்ச்சி! கடந்த சில நாட்களில் சவரனுக்கு ரூ.97 ஆயிரத்திலிருந்து ரூ.88 ஆயிரமாக சரிவு

தீபாவளி பண்டிகைக்கு முன்பாக தங்கம் விலை வரலாற்று உச்சத்தை எட்டியது. ஒரு சவரன் தங்கம் ரூ.97 ஆயிரத்தை தாண்டிய நிலையில், பண்டிகைக்குப் பிறகு விலை தொடர்ந்து குறைந்து வருகிறது.

சென்னையில் கடந்த 23-ந்தேதி சவரன் ரூ.92 ஆயிரமாக இருந்தது. அடுத்த நாள் (24-ந்தேதி) ரூ.91,200 ஆகக் குறைந்தது. 25 மற்றும் 26-ந்தேதிகளில் மீண்டும் சற்று உயர்ந்து ரூ.92 ஆயிரத்தில் விற்பனையானது.

அதன்பின் தங்கம் விலை மீண்டும் சரிவை சந்தித்தது. நேற்று சவரனுக்கு ரூ.400 குறைந்து ரூ.91,600-க்கு விற்பனையாகியது. கிராமுக்கு ரூ.50 குறைந்து ரூ.11,450 ஆகவும் விலை குறைந்தது.

வெள்ளி விலையில் மாற்றமின்றி கடந்த 7 நாட்களாக 1 கிலோ ரூ.1.70 லட்சம் மற்றும் 1 கிராம் ரூ.170-க்கு விற்பனை தொடர்கிறது.

இன்று காலை தங்கம் விலை மேலும் சரிந்தது. சென்னையில் ஆபரணத் தங்கம் சவரனுக்கு ரூ.1,200 குறைந்து ரூ.90,400-க்கு விற்பனையானது. கிராமுக்கு ரூ.150 குறைந்து ரூ.11,300 என விற்பனை செய்யப்பட்டது.

ஆனால் அதுவும் போதவில்லை; மாலை நேரத்தில் விலை மேலும் சரிந்தது. சவரனுக்கு ரூ.1,800 குறைந்து ரூ.88,600 ஆகவும், கிராமுக்கு ரூ.225 குறைந்து ரூ.11,075 ஆகவும் விற்பனையாகியுள்ளது. இதனால் ஒரே நாளில் தங்கம் சவரனுக்கு ரூ.3,000 வரை வீழ்ச்சி கண்டுள்ளது.

தீபாவளிக்கு பிறகு தொடர்ந்து குறைந்து வரும் தங்கம் விலை நகை ரசிகர்களுக்கு இனிய அதிர்ச்சியை ஏற்படுத்தியுள்ளது. வணிக வட்டாரங்கள், வருங்கால நாட்களிலும் தங்கம் விலை மேலும் சரியும் வாய்ப்புள்ளதாக எதிர்பார்க்கின்றன.