புதுச்சேரியில் மேம்பால சாலையை சரி செய்து தர கோரி JCM மக்கள் மன்றம் சார்பில் மனு

புதுச்சேரி நோணாங்குப்பம் பகுதியில் உள்ள சுண்ணம்பாறு மேம்பாலதின் சாலை குண்டும் குழியுமாக இருப்பதால், அதனை உடனடியாக சரி செய்து தர கோரி JCM மக்கள் மன்றம் சார்பில் பொதுப்பணித்துறை தலைமை பொறியாளர் அலுவலகத்தில் மனு அளிக்கப்பட்டது.

JCM மக்கள் மன்ற தலைவர் ரீகன் ஜான்குமார், சமூக சேவகர் சார்லஸ் மார்டின் அறிவுறுத்தலின்படி லால் பகதூர் சாஸ்திரி வீதியில் உள்ள பொதுப்பணித்துறை தலைமை பொறியாளர் அலுவலகத்திற்கு JCM மக்கள் மன்ற நிர்வாகிகளுடன் வந்து மனு ஒன்றை அளித்தார்,

அந்த மனுவில், புதுச்சேரியின் மிகப்பெரிய மேம்பாலமான மற்றும் முக்கிய பிரதான சாலையாக உள்ள நோணாங்குப்பம் சுண்ணம்பாறு மேம்பால சாலை குண்டும், குழியும்மாக சேதமடைந்து உள்ளதால் அதில் தினம்தோறும் பயணம் செய்யும் பள்ளி மாணவர்கள், அலுவலக ஊழியர்கள், வணிகர்கள், கனரக வாகனங்கள் மற்றும் பொதுமக்கள் மிகுந்த அளவில் அச்சத்தில் உள்ளனர், மேலும் சாலை குண்டும் குழியுமாக சேதமடைந்து உள்ளதால் இருசக்கர மற்றும் நான்குசக்கரம் மற்றும் கனரக வாகனங்கள் ஒரே நேரத்தில் இரண்டு திசையிலிருந்தும் செல்கின்றன இதனால் பெரும்பான்மையான வாகனங்கள் மோதிக்கோள்ளும் அபாயநிலையில் உள்ளது என்றும், மேலும் இரவு நேரங்களில் வண்டியின் விளக்குகளால் பார்வை தெளிவின்றி வாகன ஓட்டிகள் அச்சப்படுகின்றனர். இதனால் நெருக்கடியான சூழ்நிலைகள் மற்றும் விபத்துகள் உண்டாக வாய்ப்பு உள்ளது, மேற்படி நிலயினை மக்கள் பலர் எங்கள் JCM மக்கள் மன்றத்திலும் சமூக ஊடகங்கள் மற்றும் குழுக்களிலும் தங்கள் குறைகளை கூறி வருகிறார்கள்.

எனவே, தங்களது துறை சார்பில் உடனடியாக அதிகாரிகளை அனுப்பி அந்த இடத்திலுள்ள நிலயினை ஆய்வுசெய்து மீண்டும் சரியான சாலை வசதி அமைத்துக்கொடுக்குமாறு கேட்டுக்கொள்வதாகவும், இது பொது மக்களின் பாதுகாப்பிற்கும், போக்குவரத்து ஒழுங்கிற்கும் பெரிதும் உதவியாக இருக்கும். ஆகையால் தங்களது துறைசார்பாக விரைவான நடவடிக்கை எடுக்கப்படும் என நம்புவதாகவும் கூறியுள்ளார்.