முதலியார்பேட்டை இளைஞர் விஷ்வா – உலக நினைவாற்றல் போட்டியில் பங்கேற்கிறார்!
புதுச்சேரி மாநிலம் முதலியார்பேட்டை தொகுதியைச் சேர்ந்த இளைஞர் திரு. விஷ்வா அவர்கள், உலக அளவில் நடைபெறும் நினைவாற்றல் போட்டியில் பங்கேற்கவுள்ளார். நாட்டின் பல்வேறு பகுதிகளில் இருந்து தேர்ந்தெடுக்கப்பட்ட திறமையாளர்களுடன் இணைந்து, புதுச்சேரியின் பெருமையை உயர்த்தும் வகையில் இவர் மும்பை நகரம் நோக்கிப் பயணமாகிறார்.
இவரது பயணத்திற்குத் தேவையான முழு செலவினங்களையும், போட்டியில் பங்கேற்க தேவையான அனைத்து வசதிகளையும் முதலியார்பேட்டை JCM மக்கள் மன்றம் கிளைத் தலைவர் திரு. குமார் அவர்கள் வழங்கியுள்ளார்.
இந்த சிறப்பான தருணத்தில், கிளை நிர்வாகிகள் வெங்கட், ராகேஷ், தீபக், இளவரசன் தினகர், சூர்யா ஆகியோரும் இணைந்து விஷ்வாவுக்கு வாழ்த்துக்களையும் ஊக்கத்தையும் வழங்கினர்.
புதுச்சேரி இளைஞர்களின் திறமையை உலக அரங்கில் வெளிப்படுத்தும் இந்த முயற்சிக்கு சமூக வலைதளங்களில் வாழ்த்துகள் பெருகி வருகின்றன.

