வங்ககடலில் உருவாகியுள்ள காற்றழுத்த தாழ்வு பகுதி!
தமிழ்நாடு மற்றும் புதுவையில் வடகிழக்கு பருவமழை தொடங்கியுள்ள நிலையில் பரவலாக இரு மாநிலங்களிலும் அவ்வப்போது மழைபொழிந்து வருகிறது. இந்த நிலையில் அடுத்த சில தினங்களுக்கு தமிழ்நாடு மற்றும் புதுவையில் கன முதல் மிக கனமழை பெய்ய வாய்ப்பிருப்பதாக வானிலை ஆய்வு மையம் சார்பில் அறிவிக்கப்பட்டிருந்தது.
தென்கிழக்கு வங்கக்கடலில் காற்றழுத்த தாழ்வு பகுதி உருவாகும் என அறிவிக்கப்பட்டிருந்த நிலையில் இன்று (21.10.2025) காலை 5:30 மணியளவில் தென்மேற்கு வங்கக்கடலில் காற்றழுத்த தாழ்வு பகுதி உருவாகியுள்ளதாக இந்திய வானிலை மையம் அதிகாரப்பூர்வ அறிவித்துள்ளது. காலை முதல் புதுவை மற்றும் தமிழ்நாட்டின் பல்வேறு பகுதிகளில் மழை பொழிந்து வருகிறது.
