டெல்லி கார் வெடிப்பு- புதுச்சேரியில் ஜே.சி.எம். மக்கள் மன்றத்தின் மெழுகுவர்த்தி ஊர்வலம்

டெல்லியில் நிகழ்ந்த துயரமான கார் வெடிப்பு சம்பவத்தில் உயிரிழந்தோருக்கு அஞ்சலி செலுத்தும் வகையில், புதுச்சேரி ஜே.சி.எம். மக்கள் மன்றத்தினர் இன்று அமைதி மெழுகுவர்த்தி ஊர்வலத்தை நடத்தினர்.

அண்ணா சிலை அருகில் தொடங்கிய இந்த ஊர்வலத்திற்கு சமூக சேவகர் சார்லஸ் மார்டின் அவர்கள் தலைமை தாங்கி நடத்தினார். அண்ணா சாலை, நேரு வீதி, மிஷன் வீதி வழியாகச் சென்று, தூய ஜென்மராக்கினி அன்னை பேராலயம் அருகே ஊர்வலம் நிறைவுற்றது.

சுமார் 2 கிலோமீட்டர் தூரம் நடைபெற்ற இந்த அமைதி ஊர்வலத்தில், 300க்கும் மேற்பட்ட மக்கள், சமூக செயற்பாட்டாளர்கள் மற்றும் மாணவர்கள் கலந்து கொண்டு, கையில் மெழுகுவர்த்தி ஏந்தி உயிரிழந்தோருக்கு மௌன அஞ்சலி செலுத்தினர்.

இந்த நிகழ்வு மூலம் சமூகம் முழுவதும் அமைதி, சகிப்புத்தன்மை மற்றும் மனிதத்துவத்தின் முக்கியத்துவம் வலியுறுத்தப்பட்டது.