புதுச்சேரியில் உலகளாவிய அமைதி தின விழா நடிகை நமீதா கலந்து சிறப்பிப்பு

புதுச்சேரி:
உலகளாவிய அமைதி தினத்தையொட்டி புதுச்சேரியில் சிறப்பான விழா நடைபெற்றது. திருமூத்திமலை உலக சமாதான அறக்கட்டளை ஏற்பாட்டில், “தனிநபர் அமைதி – உலக அமைதி” என்ற தலைப்பில் இந்த விழா நடைபெற்றது.

இந்த நிகழ்ச்சியில் புதுவை கலை பண்பாட்டுத்துறை அமைச்சர் திருமுருகன், நடிகை நமீதா, மற்றும் ஆயிரத்திற்கும் மேற்பட்ட மாணவர்கள் கலந்து கொண்டனர். விழாவின் முக்கிய தருணமாக, சரியாக காலை 11.11 மணிக்கு, அனைவரும் உலக அமைதிக்காக ஒரு நிமிடம் அமைதியாக தவமிருந்தனர்.

விழாவை அறக்கட்டளை நிறுவனர் குருமகான் தலைமையேற்று நடத்தினார். உலக அமைதியின் அவசியத்தை வலியுறுத்தும் விதமாக நடைபெற்ற இந்த நிகழ்ச்சி, புதுச்சேரி மக்களிடையே பெரும் வரவேற்பைப் பெற்றது.