JCM மக்கள் மன்றம் சார்பில் பாசிக் ஊழியர்களுக்கு தீபாவளி பரிசுப்பொருட்கள் வழங்கப்பட்டன!
புதுச்சேரியில் JCM மக்கள் மன்றம் சார்பில் விரைவில் மூடப்பட உள்ள பாசிக் நிறுவன ஊழியர்களுக்கு தீபாவளி பரிசு தொகுப்பு மற்றும் பரிசு தொகையை மக்கள் மன்ற தலைவர் ரீகன் ஜான்குமார் வழங்கினார்.
புதுச்சேரி அரசு சார்பு நிறுவனமான பாசிக்கை மூட அரசு அறிவிப்பு வெளியிட்டு வரும் டிசம்பர் 25ம் தேதிக்குள் மூட மூடிவு செய்யப்பட்டுள்ள நிலையில், அங்கு பணி புரியும் ஊழியர்கள் மற்றும் அவர்களின் குடும்பம் மிகுந்த சிரமத்திற்கு ஆளாகியுள்ளனர்.
இந்நிலையில் விரைவில் மூடப்பட உள்ள பாசிக் நிறுவனத்தின் ஊழியர்களுக்கு சமூக சேவகர் சார்லஸ் மார்டின் அறிவுறுத்தலின்படி JCM மக்கள் மன்றம் சார்பில் தீபாவளி பரிசாக 5 கிலோ அரிசி, 3 கிலோ சர்க்கரை, பட்டாசு பெட்டி மற்றும் பரிசு தொகை வழங்கப்பட்டது. புதுச்சேரி தட்டாஞ்சாவடி பகுதியில் உள்ள தனியார் திருமண மண்டபத்தில் நடைபெற்ற நிகழ்ச்சியில் JCM மக்கள் மன்ற தலைவர் ரீகன் ஜான்குமார் 300க்கும் மேற்பட்ட பாசிக் ஊழியர்களுக்கு தீபாவளி பரிசு பொருட்களை வழங்கினார்.
இதனிடையே, கடந்த 10 ஆண்டுகளாக எங்களுக்கு சம்பளம் இல்லாத நிலையில் பல கஷ்டங்களை அனுபவித்து வந்ததாகவும், சார்லஸ் மார்டின் ஐயாவல் இந்த தீபாவளிக்கு சந்தோஷமாக இருக்கிறோம், எங்களுக்கு தீபாவளி பரிசு வழங்கிய சார்லஸ் மார்டின் ஐயாவுக்கு நன்றி என ஊழியர்கள் தெரிவித்தனர். மேலும் அரசு சார்பில் எந்த ஒரு தீபாவளி பரிசும் வழங்கப்படாத நிலையில், முதல் ஆளாக தங்களுக்கு சார்லஸ் ஐயா உதவி செய்துள்ளதாகவும், இனி வரும் காலங்களில் எங்களுடைய ஆதரவு நிச்சயம் அவருக்கு மட்டும் தான் என தெரிவித்தனர்.
தொடர்ந்து செய்தியாளர்களை சந்தித்த JCM மக்கள் மன்ற தலைவர் ரீகன் ஜான்குமார், இந்த தீபாவளி பாசிக் ஊழியர்களுக்கு கஷ்டமான தீபாவளி,வரும் 2026ஆம் ஆண்டு இவர்களுக்கு நிச்சயம் ஒரு மாற்றம் உருவாகும், சார்லஸ் மார்டின் ஆட்சிக்கு வந்தால் பாசிக் மீண்டும் திறக்கப்படும் என தெரிவித்தார்.
