திருவண்டார் அரசு மேல்நிலைப் பள்ளியில் சிறப்பு வகுப்பு: மாணவிகளுக்கு MLA அங்காளன் வழங்கிய மதியஉணவு
திருபுவனை தொகுதிக்குட்பட்ட திருவண்டார் கோவில் பகுதியில் அமைந்துள்ள பெண்கள் அரசு மேல்நிலைப் பள்ளியில், 10 மற்றும் 12ஆம் வகுப்பு மாணவிகளுக்கான பொது தேர்வு தயாரிப்பு சிறப்பு வகுப்புகள் தீவிரமாக நடைபெற்று வருகின்றன. இதில் தினசரி 100-ற்கு மேற்பட்ட மாணவிகள் கலந்து வருவது குறிப்பிடத்தக்கது.
சிறப்பு வகுப்பில் பங்கேற்கும் மாணவிகளுக்கு சிற்றுண்டி அல்லது உணவு வழங்க வேண்டுமென பள்ளி தலைமையாசிரியர் விண்ணப்பித்ததை தொடர்ந்து, திருபுவனை சட்டமன்ற உறுப்பினர் மாண்புமிகு திரு. பா. அங்காளன் MLA அவர்கள் இன்று பள்ளியை நேரடியாக வந்து மாணவிகளுக்கு மதிய உணவாக சாம்பார் சாதம் மற்றும் வத்தல் வழங்கினர்.
உணவு வழங்கிய பின்னர், மாணவிகளின் மன உறுதியை உயர்த்தும் வகையில் MLA அங்காளன் அவர்கள் ஊக்க உரையும் வழங்கினார். பொதுத்தேர்வை தைரியமாக, முழு நம்பிக்கையுடன் எழுத வேண்டுமெனவும் நல்வாழ்த்துகளைத் தெரிவித்தார்.
இந்த நிகழ்ச்சியில் MLA அவர்களின் ஆதரவாளர்கள், பள்ளி ஆசிரியர்கள், JCM மக்கள் மன்ற தலைவர், நிர்வாகிகள் உள்ளிட்ட பலரும் பங்கேற்றனர்.
மேலும், மாணவர்களின் கல்வி முன்னேற்றம் மற்றும் நலனுக்காக தொடர்ந்து பல்வேறு உதவிகளை செய்து வருவதற்கு, ஆசிரியர்கள், மாணவிகள், பெற்றோர்கள் மற்றும் பொதுமக்கள் சார்பில் MLA அங்காளன் அவர்களுக்கு மனமார்ந்த நன்றியும் பாராட்டும் தெரிவிக்கப்பட்டது.
“சொல் அல்ல செயல் : நாளை நமதே!” என்ற உணர்வுடன் நிகழ்வு சிறப்பாக நடைபெற்றது.
