புதுச்சேரி துணைநிலை ஆளுநர் கைலாஷ்நாதன் தீபாவளி வாழ்த்து

புதுவை மக்களுக்கு துணை நிலை ஆளுநர் கைலாஷ்நாதன் தீபாவளி வாழ்த்து தெரிவித்துள்ளார். “ஒளிமயமான தீபாவளி பண்டிகையை ஒட்டி இந்திய மக்கள் அனைவருக்கும் குறிப்பாக, புதுச்சேரி மக்களுக்கு எனது அன்பான “தீபாவளி“ நல்வாழ்த்துகளைத் தெரிவித்துக் கொள்கிறேன்.

தீபாவளி பண்டிகை நாட்டு மக்களிடையே ஒற்றுமையை – சகோரத்துவத்தை பலப்படுத்துகிறது. இந்த தீபாவளி நம் அனைவரது வாழ்விலும் ஒளிமயமான எதிர்காலத்தை, மகிழ்ச்சியைக் கொண்டு வருவதாக அமையட்டும்.
உலகின் மூன்றாவது பெரிய பொருளாதார நாடாக மாறும் லட்சியப் பாதையில் இந்தியா பயணித்துக் கொண்டு இருக்கிறது. அதனை வலுப்படுத்தும் விதமாக ‘சுய சார்பு இந்தியா’ (ATMANIRBHAR BHARAT) கொள்கையைப் பின்பற்றி, இந்திய கலைஞர்கள் உற்பத்தி செய்யும் பரிசு பொருட்களை வாங்கி இந்த தீபாவளியை மகிழ்ச்சியாக கொண்டாடுவோம்.

மக்கள் அனைவரும் பாதுகாப்பாக, சுற்றுச்சூழலுக்கு மாசு ஏற்படாத வகையில் தீபாவளி பண்டிகையைக் கொண்டாடி மகிழ வேண்டும் என்றும் கேட்டுக் கொள்கிறேன்”. இவ்வாறு வாழ்த்து பதிவில் துணை நிலை ஆளுநர் கைலாஷ்நாதன் தெரிவித்துள்ளார்.