சென்னை-டிட்வா புயல் காரணமாக 54 விமானங்கள் ரத்து
டிட்வா புயல் தீவிரமடைந்து வருவதால், சென்னை விமான நிலையத்தில் விமான சேவைகள் பெருமளவில் பாதிக்கப்பட்டுள்ளன. புயல் தாக்கத்தால் விமான இயக்கத்தில் ஏற்பட்ட தடைகள் காரணமாக இன்று மொத்தம் 54 விமானங்கள் ரத்து செய்யப்பட்டுள்ளன.
மேலும், இன்னும் சில விமானங்களும் ரத்தாகும் வாய்ப்பு உள்ளதாக விமான நிலைய அதிகாரிகள் தெரிவித்துள்ளனர். பயணிகள் சிக்கலில் அகப்படாமல் இருக்க, முன்னதாகவே விமான நிறுவனங்களின் அறிவிப்புகளை சரிபார்க்குமாறு கேட்டுக் கொள்ளப்பட்டுள்ளது.
தீவிர மழை, பலத்த காற்று காரணமாக விமானங்கள் பாதுகாப்பாக பறக்க முடியாத நிலை ஏற்பட்டதால், இந்த நடவடிக்கை எடுக்கப்பட்டுள்ளதாக அதிகாரிகள் கூறியுள்ளனர்.
