தோனியுடன் இணைவதற்காக ஆவலுடன் காத்திருக்கும் சஞ்சு சாம்சன் : உற்சாகம் வெளிப்பாடு
இந்திய கிரிக்கெட் அணியின் முக்கிய வீரரான சஞ்சு சாம்சன், முன்னாள் கேப்டன் மகேந்திர சிங் தோனியுடன் மீண்டும் நேருக்கு நேர் சந்திக்க ஆவலாக உள்ளதாக தெரிவித்துள்ளார். தோனியுடன் கழிக்கும் ஒவ்வொரு நேரமும் தன்னுக்கு ஒரு சிறப்பு அனுபவமாக இருக்கும் என அவர் கூறியுள்ளார்.
தோனியுடன் உரையாடுவது, உணவு பகிர்ந்து கொள்வது, கூடுதலாக பயிற்சி மேற்கொள்வது போன்றவற்றில் மிகுந்த ஆர்வம் கொண்டிருப்பதாக சஞ்சு தெரிவித்துள்ளார்.
“தோனியுடன் உரையாட, உணவு சாப்பிட, பயிற்சி மேற்கொள்ள மிகவும் ஆவலாக நான் காத்திருக்கிறேன். யோசிச்சாலே ரொம்ப மகிழ்ச்சியாக இருக்கும்,” என்று அவர் உற்சாகமாக கூறினார்.
சிறந்த விக்கெட் கீப்பர் மற்றும் சக்திவாய்ந்த பேட்ஸ்மேன் என பரவலாக பாராட்டப்படும் சஞ்சு சாம்சன், தோனியை ஒரு வழிகாட்டியாகக் கருதுகிறார். அவரது அனுபவத்திலிருந்து மேலும் கற்றுக்கொள்ளும் வாய்ப்புக்காக காத்திருக்கிறேன் என்றும் தெரிவித்தார்.
கிரிக்கெட் ரசிகர்கள் மத்தியில் இந்த கருத்து தற்போது வைரலாகி வருகிறது.
