காஞ்சிபுரத்தில் தயாரிக்கப்பட்ட இருமல் மருந்து 20 குழந்தைகளின் உயிரை பரித்துள்ளது – சீமான் கண்டனம்
காஞ்சிபுரத்தில் இயங்கும் தனியார் மருந்து நிறுவனம் ஸ்ரீ சான் பார்மாவின் ‘Coldrif’ இருமல் மருந்து, தொழிற்சாலைகளில் பயன்படுத்தப்படும் ப்ரோப்பிலீன் கிளைகால் (Propylene Glycol) அளவை மீறி சேர்க்கப்பட்டதால் 20 பிஞ்சுக் குழந்தைகள் உயிரிழந்த சம்பவம் நிகழ்ந்தது. இதன் பின்னர் நிறுவனர் ரங்கநாதன் கோவிந்தன் மத்திய பிரதேச காவல்துறையால் கைது செய்யப்பட்டுள்ளார்.
தமிழ்நாடு மருந்து கட்டுப்பாட்டு இயக்ககம் மேற்கொண்ட ஆய்வில், கடந்த 14 ஆண்டுகளில் அந்த நிறுவனத்தில் எந்த சோதனையும் நடத்தப்படவில்லை, மொத்தம் 364 விதிமீறல்கள் இருந்தது என்பது வெளிச்சம் கண்டுள்ளது. இதுவும், முந்தைய அதிமுக மற்றும் தற்போதைய திமுக அரசுகளின் அலட்சியமும், ஊழல் முறைகேடுகளும் இந்த கொடுமையான சம்பவத்திற்கு காரணமானதாகும் என நாம் தமிழர் கட்சி தலைமை ஒருங்கிணைப்பாளர் செந்தமிழன் சீமான் குறிப்பிட்டுள்ளார்.
சீமான், அரசு மருத்துவமனைகளில் போதிய மருந்துகள் மற்றும் மருத்துவர்கள் இல்லாததால் ஏழை மக்களுக்கு தரமான சிகிச்சை வழங்க முடியாத நிலை, தனியார் மருத்துவமனைகளில் மோசடிகள் நடைபெறுவதை தடுக்கும் நடவடிக்கைகள் இல்லாதது ஆகியவற்றும் இந்த சம்பவத்திற்கு உதவியுள்ளன என்று தெரிவித்தார்.
நாம் தமிழர் கட்சி, ஸ்ரீ சான் பார்மாவை தடை செய்யும், குற்றவாளிகள் மீது கடுமையான சட்ட நடவடிக்கை எடுக்கவும், எதிர்காலத்தில் இதுபோன்ற சம்பவங்கள் மீண்டும் நிகழாமல் தடுக்கும் விதமான கண்காணிப்பு நடவடிக்கைகள் தொடர்ச்சியாக மேற்கொள்ளப்படவேண்டும் என வலியுறுத்தியுள்ளது.
சீமான், தமிழ்நாடு சுகாதாரத் துறை மற்றும் முதலமைச்சர் மு.க.ஸ்டாலின், உலக அளவில் ஏற்பட்ட இத்தலைகுனிவிற்கு உடனடி பதில் வழங்க வேண்டுமெனவும் கோரியுள்ளார்.
