LJK தலைவரின் மகளிருக்கான வாக்குறுதிகள் விளக்கம்!

லட்சிய ஜனநாயக கட்சியின் தலைவர் ஜோஸ் சார்லஸ் மார்டின் அவர்களின் ஆலோசனைப்படி, உழவர்கரை தொகுதிக்குட்பட்ட உழவர்கரை பகுதி பெண்களுடன் சந்திப்பு நடத்திய கட்சியின் மகளிர் அணி தலைவி பிரபா தேவி லட்சிய ஜனநாயக கட்சியின் மகளிர் நலனுக்கான வாக்குறுதிகள் மற்றும் LJKவில் மகளிருக்கான முக்கியத்துவம் குறித்து விரிவாக எடுத்துரைத்தார்.

இதனைத் தொடர்ந்து, அதே தொகுதிக்குட்பட்ட ஜவஹர் நகரில் நடைபெற்ற நிகழ்ச்சியில், லட்சிய ஜனநாயக கட்சியின் ஆறு முக்கிய மகளிர் திட்டங்கள் குறித்து அப்பகுதி மகளிர் குழு பெண்களிடம் விரிவாக விளக்கினார். லட்சிய ஜனநாயக கட்சி தலைவர் ஜோஸ் சார்லஸ் மார்டின் அவர்களின் புதுச்சேரி வருகையை பயன்படுத்தி அவரை புதுவையின் முதலமைச்சராக உருவாக்க அனைவரும் உறுதுணையாக இருக்க வேண்டும் என மகளிர் அணி தலைவி திருமதி. பிரபா தேவி உரையாற்றினார்.

நிகழ்ச்சியின் நிறைவாக, லட்சிய ஜனநாயக கட்சி சார்பில் வழங்கப்பட்ட காலண்டர் மற்றும் சர்க்கரை ஆகியவற்றை அப்பகுதி மக்களுக்கு வழங்கி, புத்தாண்டு வாழ்த்துகளை தெரிவித்துக் கொண்டார்.