போக்குவரத்து நெரிசலால் ஸ்தம்பித்த புதுச்சேரி!
தீபாவளி பண்டிகைக்கு தேவையான பொருட்கள் வாங்க பல்வேறு மாவட்டங்களில் இருந்து பொதுமக்கள் மக்கள் படையெடுத்து,வருவதால் புதுச்சேரி நகரமே கடுமையான போக்குவரத்து நெரிசலில் சிக்கித் தவிக்கிறது,பொதுமக்களின் பாதுகாப்பை உறுதிப்படுத்தும் வகையில் போலீஸார் ரோந்து பணியிலும் ஈடுபட்டனர்.
தீபாவளி பண்டிகை நாளை மறுநாள் கொண்டாடப்பட உள்ள நிலையில் பண்டிகைக்கு தேவையான புத்தாடைகள் மற்றும் பட்டாசு உள்ளிட்ட தேவையான பொருட்களை வாங்குவதற்காக புதுச்சேரிக்கு பல்வேறு மாவட்டங்களில் இருந்து பொதுமக்கள் படையெடுத்து வருகின்றனர்.
பொதுமக்களின் படையெடுப்பால் நகரப் பகுதி முழுவதும் மனித தலைகளாவே காட்சியளித்தது, குறிப்பாக இந்திரா காந்தி சிலை சதுக்கம், ராஜீவ் காந்தி சிலை சதுக்கம், நேரு வீதி, காமராஜர் வீதி, காந்தி வீதி, மிஷன் வீதி, ரெட்டியார்பாளையம், உள்ளிட்ட பகுதிகளில் கடுமையான போக்குவரசல் நெரிசல் ஏற்பட்டுள்ளது.
ஜவுளி கடை உள்ளிட்ட பல்வேறு கடைகளில் மக்கள் கூட்டம் அலைமோதுவதால் புதுச்சேரி நகரம் முழுவதும் மனித தலைகளாகவே காட்சியளித்தது.
பல்வேறு மாவட்டங்களில் இருந்து பொதுமக்கள் ஒருசேர குவிந்ததால் நகரப் பகுதி முழுவதும் கடுமையான போக்குவரத்து நெரிசல் ஏற்பட்டதால் இரண்டு கிலோமீட்டர் தூரத்திற்கு வாகனங்கள் அணிவகுத்து நின்றது, இதனால் குறித்த நேரத்தில் வீட்டிற்கு திரும்ப முடியாமல் பொதுமக்கள் கடுமையான சிரமத்திற்கு ஆளாகினர்.
மேலும் கூட்ட நெரிசல் அதிக அளவில் காணப்படுவதால் இதை பயன்படுத்தி சமூக விரோதிகள் குற்ற சம்பவங்களில் ஈடுபடுவதை தடுக்கும் வகையில் நூற்றுக்கும் மேற்பட்ட போலீசார் நகர பகுதி முழுவதும் பாதுகாப்பு பணியில் ஈடுபடுத்த பட்டுள்ளனர்.
பொது மக்களின் பாதுகாப்பை உறுதிப்படுத்தும் வகையில் முது நிலை காவல் கண்காணிப்பாளர் கலைவாணன் தலைமையில் போலீசார் நகர பகுதி முழுவதும் ரோந்து பணியில் ஈடுபட்டனர், சந்தேக படும் நபர்களை பிடித்து விசாரித்து நடவடிக்கையும் எடுத்து வருகின்றனர்
