புதுச்சேரியில் இரவு மழை பெய்ததால் மக்கள் சிரமத்திற்குள்ளாகினர்!
புதுச்சேரியில் இரவு 8 மணி முதல் சுமார் 2 மணி நேரத்திற்கு மேலாக பெய்த மழையின் காரணமாக தீபாவளிக்கு பொருட்கள் வாங்க கடைக்கு சென்ற மக்கள் சிரமத்திற்குளாகினார். மேலும் மழையால் புதுச்சேரியில் குளிர்ச்சியான சூழல் நிலவியது.
வடகிழக்கு பருவமழை தொடங்கி உள்ளதால், தமிழகம், புதுச்சேரி மற்றும் காரைக்கால் பகுதிகளில் மழை பெய்யக்கூடும் என சென்னை வானிலை ஆய்வு மையம் தெரிவித்திருந்த நிலையில், இன்று மாலை முதல் வானம் மேகமூட்டத்துடன் காணப்பட்டு வந்த நிலையில், இரவு சுமார் 8 மணி முதல் 2 மணி நேரத்திற்கு மேலாக இடி மின்னலுடன் கூடிய மழை பெய்தது. இதில் கடற்கரை சாலை, உப்பளம், நெல்லித்தோப்பு, உருளையாண்பேட்டை, ராஜ்பவன் உள்ளிட்ட அனைத்து நகரப் பகுதிகளிலும், அதே போல் பாகூர், கண்ணிகோயில், காலாபட்டு, சேதராபட்டு, வில்லியனூர், சோம்பட்டு, மதகடிப்பட்டு உள்ளிட்ட அனைத்து கிராம பகுதிகளிலும் மழை பெய்தது. இந்த மழையின் காரணமாக தீபாவளிக்கு பொருட்கள் வாங்க கடைகளுக்கு சென்ற மக்கள் சிரமத்திற்குள்ளாகினர். மேலும் இந்த மழையின் காரணமாக புதுச்சேரியில் குளிர்ச்சியான சூழல் நிலவியது.
