புதுச்சேரியில் ‘லட்சிய ஜனநாயக கட்சி’ தொடக்கம் – ஜோஸ் சார்லஸ் மார்டின் தலைமையில் அரசியல் பயணம்
புதுச்சேரி:
புதுச்சேரியில் புதிய அரசியல் கட்சியாக லட்சிய ஜனநாயக கட்சி இன்று அதிகாரப்பூர்வமாக தொடங்கப்பட உள்ளது. கட்சியின் கொடி மற்றும் கொள்கை பிரகடனம் பொதுமக்கள் முன்னிலையில் அறிமுகப்படுத்தப்படவுள்ள நிலையில், கட்சியின் நிறுவனர் மற்றும் தலைவர் ஜோஸ் சார்லஸ் மார்டின் தலைமையில் இந்த புதிய அரசியல் இயக்கம் உதயமாக உள்ளது.
மக்கள் நலன், வெளிப்படையான நிர்வாகம் மற்றும் வளர்ச்சி நோக்குள்ள அரசியலை மையமாகக் கொண்டு கட்சி செயல்படவுள்ளதாக தெரிவிக்கப்பட்டுள்ளது. புதுச்சேரியை சிங்கப்பூர் போல மேம்பட்ட நிர்வாகம், உள்கட்டமைப்பு மற்றும் பொருளாதார வளர்ச்சியுடன் கூடிய மாநிலமாக மாற்றுவதே கட்சியின் பிரதான இலக்கு என அறிவிக்கப்பட்டுள்ளது.
இளைஞர்களுக்கான வேலைவாய்ப்புகள், சுற்றுலா வளர்ச்சி, நவீன நகரமைப்பு, முதலீட்டாளர்களை ஈர்க்கும் கொள்கைகள் ஆகியவை கட்சியின் முக்கிய அம்சங்களாக இடம்பெறவுள்ளன. வருங்கால அரசியல் பயணத்தில் மக்கள் ஆதரவுடன் மாற்றத்தை கொண்டு வருவோம் என ஜோஸ் சார்லஸ் மார்டின் தெரிவித்துள்ளார்.
இந்த புதிய அரசியல் கட்சியின் தொடக்கம் புதுச்சேரி அரசியல் களத்தில் புதிய எதிர்பார்ப்புகளை உருவாக்கியுள்ளது.
