புதுச்சேரியில் விவசாயிடம் லஞ்சம் பெற்ற மின்துறை இளநிலை பொறியாளர் அதிரடி கைது!

புதுச்சேரியில் விவசாயிடம் லஞ்சம் பெற்ற மின்துறை இளநிலை பொறியாளரை லஞ்ச ஒழிப்பு போலீசார் அதிரடியாக கைது செய்து விசாரணைக்காக அழைத்துச் சென்றனர்

புதுச்சேரி,செல்லிபட்டு கிராமத்தை சேர்ந்தவர் விவசாயி பூபதி ராஜா இவர் தனது விவசாய நிலத்திற்கு மின் இணைப்பு வேண்டி வாதனூர் பகுதியில் உள்ள மின்துறை இளநிலை பொறியாளர் அலுவலகத்தில் விண்ணப்பித்திருந்த நிலையில் மின் இணைப்பு வழங்க மின்துறை இளநிலை பொறியாளர் ராஜேந்திரன் 30 ஆயிரம் லஞ்சம் கேட்டுள்ளார்.

இதுகுறித்து லஞ்ச ஒழிப்பு போலீசாருக்கு விவசாயி பூபதிராஜா புகார் தெரிவித்ததையடுத்து ரசாயன பவுடர் தடவிய ரூபாய் நோட்டுகளை மின்துறை இளநிலை பொறியாளர் ராஜேந்திரனிடம் லஞ்சமாக வழங்க கூறியுள்ளனர் அதன்படி வாதனூர் மின் துறை இளநிலை பொறியாளர் அலுவலகத்திற்குச் சென்ற விவசாயி பூபதி ராஜா பொறியாளர் ராஜேந்திரன் இடம் ரசாயன பவுடர் தடவிய நோட்டுகளை கொடுத்தபோது அங்கு மறைந்திருந்த லஞ்ச ஒழிப்புத்துறை அதிகாரிகள் பொறியாளர் ராஜேந்திரனை கையும் களவுமாக பிடித்து கைது செய்து விசாரணைக்காக அழைத்துச் சென்றனர்