புதுவை – அமைச்சர் ஜான் குமார் விழிப்புணர்வு காணொலி வைரல்!
புதுச்சேரியில் சமீப காலமாக குடிநீர் சரியில்லை என குற்றச்சாட்டு எழுந்து வரும் நிலையில், மழைநீர் சேகரிப்பதன் அவசியம் மற்றும் சேகரிக்கும் முறை குறித்து அமைச்சர் ஜான்குமார் வெளியிட்டுள்ள விழிப்புணர்வு வீடியோ சமூக வலைதளங்களில் வைரலாகி வருகிறது.
புதுச்சேரியில் சமீப காலமாக பல்வேறு பகுதிகளில் குடிநீர் சரியில்லை என பொதுமக்கள் குற்றம்சாட்டு வைத்து வருகின்றனர். இந்நிலையில் வட கிழக்கு பருவமழை தொடங்கி உள்ள நிலையில், மழைநீரை சேகரிப்பதன் அவசியம் மற்றும் சேகரிப்பு முறை குறித்து அமைச்சர் ஜான்குமார் வெளியிட்டுள்ள விழிப்புணர்வு வீடியோ சமூக வலைதளங்களில் வைரலாகி வருகிறது.
அதில் தனது வீட்டு மாடியில் பேரல்கள் மூலமாக மழைநீர் சேகரிக்கும் அமைச்சர் ஜான்குமார், அதனை சுத்திகரித்து எப்படி குடிப்பது என்றும், அதனால் ஏற்படும் நன்மைகள் குறித்தும் அந்த வீடியோவில் தெரிவித்துள்ளார். குடிநீர் விஷயத்தில் அரசை மட்டுமே குறை சொல்லாமல் ஒவ்வொரும் பொறுப்புடன் மழைநீரை சேகரித்து தங்களையும், நிலத்தடி நீர் ஆதாரத்தையும் பாதுகாத்துகொள்ள வேண்டும் எனவும் அவர் வேண்டுகோள் விடுத்துள்ளார்.
