முன்னாள் அமைச்சர் ப. கண்ணனின் 2ஆம் ஆண்டு நினைவு நாள் – JCM மக்கள் மன்றம் மரியாதை
புதுச்சேரி:
முன்னாள் அமைச்சர், சபாநாயகர் மற்றும் நாடாளுமன்ற உறுப்பினராக பணியாற்றிய ப. கண்ணனின் 2ஆம் ஆண்டு நினைவு நாளையொட்டி மரியாதை நிகழ்ச்சி நடைபெற்றது.
இந்த நிகழ்வில், சமூக சேவகர் சார்லஸ் மார்டின் சார்பில், JCM மக்கள் மன்ற தலைவர் ரீகன் ஜான்குமார் புதுச்சேரி வைஷியால் வீதியில் உள்ள கண்ணனின் இல்லத்திற்கு சென்று அவரது உருவப்படத்தில் மலர் தூவி அஞ்சலி செலுத்தினார்.
அதனைத் தொடர்ந்து, கண்ணனின் மகன் விக்னேஷ் கண்ணனிடம் ரீகன் ஜான்குமார் சந்தித்து உரையாடினார்.
இந்த நிகழ்ச்சியில் ஏராளமான JCM மக்கள் மன்ற நிர்வாகிகள் மற்றும் உறுப்பினர்கள் பங்கேற்று மரியாதை செலுத்தினர்.
