புதுச்சேரிக்கு ஒரு வழி பாதை மிகவும் தேவை! – சமூக சேவகர் சார்லஸ் மார்டின் வலியுறுத்தியுள்ளார்!
புதுச்சேரி முதல்வர் ரங்கசாமி கதிர்காமம் சாலையில் போக்குவரத்து நெரிசலில் சிக்கிய காட்சிகள் சமூக வலைதளங்களில் வைரல் ஆகி வரும் நிலையில் இது குறித்து பலர் கருத்துகளையும் விமர்சனங்களையும் முன்வைத்து வருகின்றனர். இந்நிலையில் இது குறித்து சமூக சேவகர் சார்லஸ் மார்டின் கருத்து தெரிவித்துள்ளார். “புதுச்சேரியில் ஒருவழிப்பாதை தேவை என்று பலமுறை வலியுறுத்தியிருக்கிறேன். இதனை கண்டுகொள்ளாத புதுச்சேரி அரசின் நிர்வாகச் சீர்கேட்டினால், கதிர்காமம் சாலையில் போக்குவரத்து நெரிசலில் முதலமைச்சர் ரங்கசாமியே சிக்கிக்கொண்டார். எனவே, போக்குவரத்து நெரிசலைக் குறைக்கும் திட்டங்களை புதுச்சேரி அரசு இனியாவது செயல்படுத்த வேண்டும் ” என சமூக சேவகர் சார்லஸ் மார்டின் வலியுறுத்தியுள்ளார்.
