டெம்பா பவுமா – தோல்வியே சந்திக்காத டெஸ்ட் கேப்டன்!
தென்னாப்பிரிக்க அணியின் கேப்டன் டெம்பா பவுமா, தனது டெஸ்ட் தலைமையில் இதுவரை ஒரு தோல்வியும் காணாத கேப்டனாக புதிய உயரங்களைத் தொட்டுள்ளார். இந்தியாவுக்கு எதிரான முதல் டெஸ்டில் 30 ரன்கள் வித்தியாசத்தில் கிடைத்த த்ரில் வெற்றியுடன், அவரது சாதனை மேலும் வலுவடைந்துள்ளது.
2023 முதல் தென்னாப்பிரிக்க டெஸ்ட் அணியை வழிநடத்தி வரும் பவுமா, முதல் கறுப்பின டெஸ்ட் கேப்டனாக பொறுப்பேற்று வரலாற்றுப் பொறுப்பை சுமப்பதோடு பல முக்கிய சாதனைகளையும் படைத்துள்ளார். இந்த ஆண்டின் உலக டெஸ்ட் சாம்பியன்ஷிப்பை கைப்பற்றியதும், அவரின் தலைமையின் சிறப்பை வெளிப்படுத்துகிறது.
இதுவரை பவுமா தலைமையிலான 11 டெஸ்ட் போட்டிகளில், 10 போட்டிகளில் வெற்றி, 1 போட்டியில் சமன் — என ஒருபோதும் தோல்வி அறியாத சாதனையை அவர் தக்க வைத்திருக்கிறார்.
15 ஆண்டுகளுக்கு பிறகு இந்திய மண்ணில் கிடைத்த இந்த டெஸ்ட் வெற்றி, பவுமாவின் கேப்டன்சி திறமையை மீண்டும் நிரூபிக்கிறது.
