கேட்பாரற்று கிடந்த திருபுவனை அரசு பள்ளி விளையாட்டு மைதானம் – MLA பா. அங்காளன் உடனடி நடவடிக்கை

இன்று (17.11.2025) திருபுவனை தொகுதிக்குட்பட்ட கலிதீர்த்தாள் குப்பம்,, கலைஞர் கருணாநிதி அரசு மேல்நிலைப் பள்ளியில் உள்ள விளையாட்டு மைதானத்தில் பள்ளி மாணவர்கள் மற்றும் ஊர் பொதுமக்கள் நடைப்பயிற்சி மேற்கொள்ள காலை மற்றும் மாலையில் சுமார் 500-க்கும் மேற்பட்ட மக்கள் கூடுகின்றனர். அப்படி இருக்கையில் விளையாட்டு மைதானத்தை சுற்றி செடி கொடிகள், புதர் மண்டி, விஷ ஜந்துக்கள் நடமாடும் நிலை உள்ளதை கண்ட பள்ளியின் தலைமை ஆசிரியர் மற்றும் உடற்கல்வி ஆசிரியர் அவர்கள், அங்காளன் MLA-வை சந்தித்து விளையாட்டுத் திடலில் சூழ்ந்துள்ள செடி கொடிகளை அகற்றி தர வேண்டும் என்று கோரிக்கை வைத்தனர்.

அதன் அடிப்படையில் மாணவர்கள் மற்றும் பொது மக்களின் நலன் கருதி மாண்புமிகு திரு.பா.அங்காளன் MLA அவர்கள் உடனடியாக கள ஆய்வு செய்து, JCB இயந்திரம் வரவழைக்கப்பட்டு MLA -வின் தலைமையில் JCM மக்கள் மன்றம் சார்பாக விளையாட்டு திடலை சுத்தம் செய்யும் பணி தொடர்ந்து நடைபெற்று வருகிறது. மழை என்றும் பாராமல் தனது ஆதரவாளர்கள் மற்றும் JCM மக்கள் மன்ற தலைவர் மற்றும் நிர்வாகிகள் & மகளிர் அணியினர் என அனைவரும் பங்காற்றி வருகின்றனர். MLA-வின் இந்த முயற்சியால் ஆசிரியர்கள், மாணவர்கள், பொதுமக்கள் என அனைவரும் நெஞ்சார்ந்த நன்றியை தெரிவித்தனர்.