அடுத்த 3 மணிநேரத்தில் பல மாவட்டங்களில் மழை எச்சரிக்கை
அடுத்த 3 மணி நேரத்தில் செங்கல்பட்டு, சென்னை, காஞ்சிபுரம், ராணிப்பேட்டை, தஞ்சாவூர், திருவள்ளூர், திருவாரூர், திருப்பூர், வேலூர் உள்ளிட்ட சில இடங்களில் இடி, மின்னலுடன் கூடிய இலேசான முதல் மிதமான மழை பெய்ய வாய்ப்புள்ளதாக வானிலை ஆய்வு மையம் தெரிவித்துள்ளது.
மின்னல், இடியுடன் கூடிய மழை ஏற்படக்கூடும் என்பதால், மக்கள் அவசியமில்லாமல் வெளியே செல்வதை தவிர்க்கவும், திறந்த வெளி பகுதிகளில் நிற்காமல் முன்னெச்சரிக்கை நடவடிக்கைகளை பின்பற்றவும் வானிலை துறை அறிவுறுத்தியுள்ளது.

