சென்னை முதல் குமரி வரை 28 மாவட்டங்களில் வானிலை மையம் அலர்ட்
தமிழகம் முழுவதும் காற்றழுத்த தாழ்வு பகுதிகள் உருவாகியுள்ளதால், அடுத்த ஒரு மணி நேரத்திற்கு சென்னை முதல் கன்னியாகுமரி வரை 28 மாவட்டங்களில் இடியுடன் கூடிய மழை பெய்யும் என வானிலை மையம் அறிவித்துள்ளது.
மலாக்கா ஜலசந்தியில் உருவான ஆழ்ந்த காற்றழுத்த தாழ்வு பகுதி மேற்கு-வடமேற்கு திசையில் நகர்ந்து, அடுத்த 24–48 மணி நேரத்தில் வங்கக்கடலில் புயலாக வலுப்படும் வாய்ப்பு உள்ளது. மேலும், குமரிக்கடல் மற்றும் அரபிக்கடல் பகுதிகளில் உள்ள வளிமண்டல சுழற்சிகள் காரணமாக தொடர்ந்து மழை நீடிக்கும் என கூறப்பட்டுள்ளது.
இன்று இரவு 7 மணி வரை மழை வாய்ப்புள்ள மாவட்டங்கள் (28):
சென்னை, செங்கல்பட்டு, திருவள்ளூர், காஞ்சிபுரம், விழுப்புரம், கடலூர், மயிலாடுதுறை, நாகை, தஞ்சாவூர், திருவாரூர், திருச்சி, கரூர், சேலம், கோயம்புத்தூர், திண்டுக்கல், மதுரை, திருவண்ணாமலை, ராணிப்பேட்டை, வேலூர், நீலகிரி, புதுக்கோட்டை, சிவகங்கை, விருதுநகர், தென்காசி, நெல்லை, தூத்துக்குடி, கன்னியாகுமரி.
புதுவை மற்றும் காரைக்காலிலும் மழை வாய்ப்பு.
இன்று:
- நெல்லை, தென்காசி மாவட்டங்களில் மிக கனமழை
- கன்னியாகுமரி, தூத்துக்குடி, ராமநாதபுரம் உள்ளிட்ட மாவட்டங்களில் கனமழை
நாளை:
- கடலோர & உள் தமிழகத்தில் சில இடங்களில் லேசான–மிதமான மழை
- கன்னியாகுமரி, நெல்லை, தூத்துக்குடி, ராமநாதபுரம் மாவட்டங்களில் கனமழை
நாளை மறுநாள்:
- தூத்துக்குடி, ராமநாதபுரம், புதுக்கோட்டை, திருவாரூர், தஞ்சாவூர், நாகை மாவட்டங்களில் கனமழை
