4 மாவட்டங்களில் கனமழை : வானிலை எச்சரிக்கை

சென்னை, நவம்பர் 26:
தமிழகம் மற்றும் புதுச்சேரி பகுதியில் பல்வேறு வானிலை அமைப்புகள் உருவாகியுள்ளதால் அடுத்த சில நாட்களுக்குள் மழை தீவிரம் அதிகரிக்க வாய்ப்புள்ளதாக இந்திய வானிலை ஆய்வு மையம் தெரிவித்துள்ளது.

இன்று சென்னை மற்றும் புறநகர் பகுதிகளில் வானம் ஓரளவு மேகமூட்டத்துடன் இருக்கிறது. நகரின் சில இடங்களில் இடி, மின்னலுடன் கூடிய லேசானது முதல் மிதமான மழை பெய்யக்கூடும். அதிகபட்ச வெப்பநிலை 31°C-க்கு அருகிலும், குறைந்தபட்சம் 25–26°C-க்கு அருகிலும் இருக்கும்.

மலாக்கா ஜலசந்தியில் உருவான அமைப்பு வலுப்பெறுகிறது

நேற்று மலேசியா–மலாக்கா ஜலசந்தி பகுதிகளில் இருந்த ஆழ்ந்த காற்றழுத்த தாழ்வு பகுதி இன்று காலை காற்றழுத்த தாழ்வு மண்டலமாக வலுப்பெற்றுள்ளது. இது மேற்குத்-வடமேற்கே நகர்ந்து அடுத்த 48 மணி நேரத்தில் மேலும் வலுப்பெறும் என தெரிவிக்கப்பட்டுள்ளது.

மேலும், குமரிக்கடல் மற்றும் தென்மேற்கு வங்கக்கடலில் இன்று காலை புதிய காற்றழுத்த தாழ்வு பகுதி உருவாகியுள்ளது. இது வடக்கு–வடமேற்கே நகர்ந்து அடுத்த 24 மணி நேரத்தில் ஆழ்ந்த காற்றழுத்த தாழ்வாகவும் அதன் பின் தாழ்வு மண்டலமாகவும் வலுப்பெறலாம்.

தென் மற்றும் வட தமிழகத்தில் மழை தீவிரம்

தென் தமிழகத்தில் பல இடங்களில், வட தமிழகத்தில் சில இடங்களில்
புதுச்சேரி, காரைக்கால் பகுதிகளில் இன்று மற்றும் நாளை இடி, மின்னலுடன் கூடிய லேசானது முதல் மிதமான மழை பெய்யக்கூடும்.
கன்னியாகுமரி, திருநெல்வேலி, தூத்துக்குடி, இராமநாதபுரம் மாவட்டங்களில் ஓரிரு இடங்களில் கனமழை ஏற்படும்.

28 ஆம் தேதி முதல் மழை அதிகரிப்பு

கடலோர தமிழகத்தில் பல இடங்களில், உள் தமிழகத்தின் சில பகுதிகளில், புதுச்சேரி, காரைக்கால்
மிதமான மழை, சில இடங்களில் கனமழை.
தஞ்சாவூர், திருவாரூர், நாகப்பட்டினம், காரைக்கால் – கன முதல் மிக கனமழை.
ராமநாதபுரம், சிவகங்கை, புதுக்கோட்டை, மயிலாடுதுறை, கடலூர், அரியலூர் – கனமழை வாய்ப்பு.

29ஆம் தேதி மிக கனமழை சாத்தியம்

சென்னை, காஞ்சிபுரம், செங்கல்பட்டு, திருவள்ளூர், விழுப்புரம் உதா. 11 மாவட்டங்களில் சில இடங்களில் கன முதல் மிக கனமழை.
திருச்சி, பெரம்பலூர், கள்ளக்குறிச்சி, திருவண்ணாமலை, வேலூர் போன்ற மாவட்டங்களில் கனமழைக்கு வாய்ப்பு.

சூறாவளிக் காற்று – மீனவர்கள் கடலுக்கு செல்ல வேண்டாம்

தமிழக கடலோரம், மன்னார் வளைகுடா, குமரிக்கடல், அந்தமான் கடல், வங்கக்கடல் தெற்குப் பகுதிகள், லட்சத்தீவு–மாலத்தீவு கடற்பாதைகளில் மணிக்கு 35–45 கிமீ, இடையிடையே 55 கிமீ வேகத்தில் பலத்த காற்று வீசக்கூடும்.

எனவே மீனவர்கள் இப்பகுதிகளில் இன்று கடலுக்கு செல்ல வேண்டாம் என வானிலை மையம் எச்சரித்துள்ளது.

Post Views: 35