கரூர் கூட்ட நெரிசல் – உயிரிழந்த 41 பேருக்கு அஞ்சலி – தீபாவளி கொண்டாட வேண்டாம் – த.வெ.க. அறிவிப்பு
தமிழக வெற்றிக் கழகத் தலைவர் விஜய் கரூரில் கடந்த செப்டம்பர் மாதம் 27 ஆம் தேதி பரப்புரை கூட்டத்தை மேற்கொண்டபோது கூட்ட நெரிசல் ஏற்பட்டு பெண்கள், குழந்தைகள் என 41 பேர் உயிரிழந்தனர். இந்த நிலையில் உயிரிழந்தவர்களின் குடும்பத்தினருக்கு நிவாரண தொகையாக ரூ. 20 லட்சம் வழங்கப்படும் என தமிழக வெற்றி கழகத்தின் சார்பில் அறிவிக்கப்பட்டது. இந்த நிலையில் தற்போது அந்த குடும்பத்தை சேர்ந்தவர்களின் வங்கி கணக்கில் ரூ.20 லட்சம் வரவு வைக்கப்பட்டதாக தகவல் வெளியாகியுள்ளது.
இந்த நிலையில் தமிழக வெற்றிக் கழகத்தின் சார்பில் தீபாவளி பண்டிகையை கொண்டாட வேண்டாம் என அக்கட்சியின் பொதுச் செயலாளர் என். ஆனந்த் அறிவித்துள்ளார். கரூரில் கூட்ட நெரிசல் காரணமாக உயிரிழந்தவர்களின் குடும்பத்தினருக்கு அஞ்சலி செலுத்தும் வகையில் இந்த அறிவிப்பு வெளியாளியுள்ளது.
