தென் வங்கக்கடலில் புதிய காற்றழுத்தத் தாழ்வு உருவாகியது, அடுத்த 24 மணிநேரத்தில் வலுப்பெறும் சாத்தியம்
சென்னை, குமரிக்கடல் மற்றும் இலங்கை கரையை ஒட்டிய பகுதியில் புதிய காற்றழுத்தத் தாழ்வு உருவாகியுள்ளதாக இந்திய வானிலை ஆய்வு மையம் தெரிவித்துள்ளது. இந்த தாழ்வு அடுத்த 24 மணி நேரத்தில் மேலும் வலுப்பெற வாய்ப்பு உள்ளது எனவும் இந்திய வானிலை ஆய்வு மையம் வெளியிட்டுள்ளது.
அதே நேரத்தில், அந்தமான் அருகே நிலவும் காற்றழுத்தத் தாழ்வு பகுதி இன்னும் ஆறு மணி நேரத்தில் தாழ்வு மண்டலமாக வலுப்பெறும் என்றும், இது தொடர்ந்து வலுத்து வரும் நாளை மறுநாள் 27ஆம் தேதி (நவம்பர்) புயலாக மாற்றம் அடையக்கூடும் என்றும் கூறியுள்ளது.
முன்னதாக, சென்னை வானிலை மையம் வெளியிட்ட செய்திக்குறிப்பில், நவம்பர் 23ஆம் தேதி மலாக்கா தொடுக்கை மற்றும் தெற்கு அந்தமான் கடல் பகுதிகளில் காணப்பட்ட ஆழ்ந்த காற்றழுத்தத் தாழ்வு, நவம்பர் 24ஆம் தேதி மலேசியா மற்றும் மலாக்கா ஜலசந்தியை ஒட்டிய பகுதிகளுக்கு நகர்ந்தது குறிப்பிடப்பட்டது. இது மேற்கு-வடமேற்கு திசையில் நகர்ந்து, இன்று தெற்கு அந்தமான் கடலில் தாழ்வு மண்டலமாக வலுப்பெறலாம் என்றும், மேலும் அதே திசையில் நகர்ந்து அடுத்த 24 மணி நேரத்தில் தெற்கு வங்கக்கடலில் புயலாக உருவாகும் வாய்ப்பும் உள்ளது என தகவல் கூறப்பட்டது.
