வங்கதேசத்தின் முன்னாள் பிரதமர் காலமானார்

வங்கதேசத்தின் முன்னாள் பிரதமரும், தேசத்தின் தலைவருமான கலிதா ஜியா (80) உடல்நலக் குறைவால் காலமானார்.

நீண்ட காலமாக உடல்நலப் பிரச்சினைகளால் பாதிக்கப்பட்டிருந்த கலிதா ஜியா, மருத்துவ சிகிச்சை பெற்று வந்த நிலையில், இன்று அவர் உயிரிழந்ததாக வங்கதேச அரசு வட்டாரங்கள் தெரிவித்துள்ளன. அவரது மறைவுச் செய்தி வங்கதேச அரசியல் வட்டாரங்களில் பெரும் சோகத்தை ஏற்படுத்தியுள்ளது.

வங்கதேசத்தின் முக்கிய அரசியல் தலைவர்களில் ஒருவராக திகழ்ந்த கலிதா ஜியா, நாட்டின் முன்னாள் பிரதமராக பதவி வகித்து, பல்வேறு முக்கிய அரசியல் மாற்றங்களுக்கு தலைமை தாங்கியவர். வங்கதேசத்தின் முதல் பெண் பிரதமர் எனும் பெருமையை பெற்றிருந்த கலிதா ஜியா, அரசியல் வரலாற்றில் தனித்துவமான இடத்தை பெற்றவர் ஆவார்.

அவரது மறைவுக்கு வங்கதேச அரசியல் தலைவர்கள், பொதுமக்கள் மற்றும் உலக நாடுகளின் தலைவர்கள் இரங்கல் தெரிவித்து வருகின்றனர்