ஜேசன் சஞ்சயின் ‘சிக்மா’ ரிலீஸ் தேதி அறிவிப்பு.. ரசிகர்கள் உற்சாகம்!

சந்தீப் கிஷன் நடிப்பில் ஜேசன் சஞ்சய் இயக்கியுள்ள ‘சிக்மா’ திரைப்படம் அக்டோபர் 2-ம் தேதி வெளியாகும் என படக்குழு அறிவித்துள்ளது.

ஜேசன் சஞ்சய் இயக்குநராக அறிமுகமாகும் இப்படத்தில் சந்தீப் கிஷனுடன் ஃபரியா அப்துல்லா, ராஜு சுந்தரம், சம்பத் ராஜ், ஷிவ் பண்டிட், அன்புதாசன் உள்ளிட்டோர் நடித்துள்ளனர்.

லைகா புரொடக்‌ஷன்ஸ் தயாரிப்பில் உருவாகும் இப்படத்தின் படப்பிடிப்பு கடந்த ஆண்டு டிசம்பர் மாதம் நிறைவடைந்தது. தொடர்ந்து வெளியான டீசருக்கும் ரசிகர்கள் மத்தியில் நல்ல வரவேற்பு கிடைத்தது.

முன்னதாக ‘சிக்மா’ ஜூலை 31-ம் தேதி வெளியாகும் என அறிவிக்கப்பட்டிருந்தது. ஆனால், விஜய் நடிப்பில் உருவான ‘ஜன நாயகன்’ திரைப்படம் ஜூலை 23-ம் தேதி வெளியாகும் என அறிவிக்கப்பட்டதைத் தொடர்ந்து, ‘சிக்மா’ உள்ளிட்ட சில படங்களின் ரிலீஸ் தேதிகள் மாற்றப்பட்டன.

இந்நிலையில், தற்போது ‘சிக்மா’ படத்தின் புதிய வெளியீட்டு தேதியாக அக்டோபர் 2 அறிவிக்கப்பட்டுள்ளது. இதனால் ஜேசன் சஞ்சயின் முதல் படத்தை எதிர்பார்த்து காத்திருக்கும் ரசிகர்கள் உற்சாகமடைந்துள்ளனர்.