சிவகார்த்திகேயன் பாடலாசிரியராக இணைந்தார்! | தென்னிந்திய திரைப்பட எழுத்தாளர்கள் சங்கத்தில் புதிய பொறுப்பு
நடிகரும், பாடலாசிரியரும், திரைப்பட கலைஞருமான சிவகார்த்திகேயன், தென்னிந்திய திரைப்பட எழுத்தாளர்கள் சங்கத்தில் பாடலாசிரியராக இணைந்துள்ளார்.
எழுத்தாளர்கள் சங்க நிர்வாகிகள் சந்திப்பு
சிவகார்த்திகேயனை மரியாதை நிமித்தமாகவும், எழுத்தாளர்கள் சங்கம் சார்பில் நடைபெற உள்ள விழாவில் அவர் கலந்துகொள்வது தொடர்பாகவும், தென்னிந்திய திரைப்பட எழுத்தாளர்கள் சங்க நிர்வாகிகள் நேரில் சந்தித்தனர்.
சங்கத் தலைவர் சேரன், பொதுச்செயலாளர் பட்டுக்கோட்டை பிரபாகர், பொருளாளர் சுந்தர்ராஜன், துணைத்தலைவர் சினேகன் மற்றும் செயற்குழு உறுப்பினர்களான இயக்குநர் செல்வபாரதி, இயக்குநர் KBB நவீன் உள்ளிட்டோர் சிவகார்த்திகேயனை சந்தித்தனர்.
பாடலாசிரியராக இணைந்த சிவகார்த்திகேயன்
சங்க நிர்வாகிகளின் வேண்டுகோளை ஏற்று, சிவகார்த்திகேயன் தென்னிந்திய திரைப்பட எழுத்தாளர்கள் சங்கத்தில் பாடலாசிரியராக இணைந்தார்.
மேலும், சங்கத்தின் செயல்பாடுகள் மற்றும் எழுத்தாளர்களின் நலன் தொடர்பாக சில ஆலோசனைகளையும் சிவகார்த்திகேயன் வழங்கியதாக எழுத்தாளர்கள் சங்கத்தினர் தெரிவித்துள்ளனர்.
Lyricist SK ✍️
— SS News Digital (@SSNEWSDigital) September 22, 2026
தென்னிந்திய திரைப்பட எழுத்தாளர்கள் சங்கத்தில் பாடலாசிரியராக இணைந்தார் நடிகர் சிவகார்த்திகேயன்#Sivakarthikeyan #SK #LyricistSK #TamilCinema #SSnews pic.twitter.com/NulrymwvGr
எழுத்தாளர்கள் சங்கம் சார்பில் நடைபெற உள்ள விழாவில் கலந்துகொள்வதாகவும் சிவகார்த்திகேயன் உறுதியளித்ததாக சங்கத்தினர் தெரிவித்துள்ளனர்.
விழாவில் பங்கேற்கிறார்
சிவகார்த்திகேயன் பாடலாசிரியராக சங்கத்தில் இணைந்திருப்பது மகிழ்ச்சியளிப்பதாகவும், அவரை சந்தித்த நிகழ்வை நிறைவான மனதுடன் பகிர்ந்து கொள்வதாகவும் தென்னிந்திய திரைப்பட எழுத்தாளர்கள் சங்கத்தினர் தெரிவித்துள்ளனர்.
