புதுச்சேரியில் செருப்பு வாங்குவது போல் வந்து மிரட்டிய ரௌடி!
புதுச்சேரி:
புதுவையின் முத்தியால்பேட்டை, காந்திவீதியில் செருப்புகள் விற்பனை கடைக்கு வந்த நபர், செருப்பை எடுத்துக்கொண்டு பணம் தர முடியாது, ஓசியில் தர வேண்டும் என கேட்டு பணியில் இருந்த பெண்ணை மிரட்டியுள்ளார். அப்பொழுது பணம் கொடுத்தால்தான் செருப்பு தருவேன் எனக் கூறியதால் ஆத்திரமடைந்த வாலிபர் மறைத்து வைத்திருந்த கத்தியால் கடையின் கண்ணாடிகளை அடித்து நொறுக்கியுள்ளார்.
கடையை கத்தியால் தாக்கிய நபர் அதிக போதையில் இருந்ததாக கூறப்படுகிறது, இங்கு போதை பொருட்கள் அதிக அளவில் விற்பனை செய்யப்படுவதாகவும் கூறப்படுகிறது. இதே போல் புதுச்சேரியில் பள்ளியில் பயிலும் மாணவர்களும் நவீன போதை பொருட்களை பயன்படுத்துவதாக ஆசிரியர்களே கூறுகின்றனர். போதை பொருட்கள் கலாச்சாரம் என்பது புதுச்சேரியில் அதிகரித்து வருகிறது.
இந்த பகுதியில் இது போல் மூன்றாவது சம்பவம் நடந்துள்ளது, இதனால் வணிகர்கள் மற்றும் பெண்களுக்கு பெரிய அச்சத்தை ஏற்படுத்தி உள்ளது.
இதற்கு முக்கிய காரணம் கடுமையான நடவடிக்கை இல்லாதது தான், இங்கு ஒரு கொலை குற்றம் செய்தால் கூட உடனடியாக ஜாமின் கிடைத்து விடுகிறது, அதன் காரணமாகவே இது போன்ற குற்றங்கள் தொடர்ந்து நடைபெறுகிறது. அரசு கடுமையான நடவடிக்கைகளை மேற்கொள்ள வேண்டும் என பொதுமக்கள் கோரிக்கை விடுத்துள்ளார்.
இந்நிலையில் அந்த கடைக்கு நேரடியாக சென்ற சமூக சேவகர் சார்லஸ் மார்டின் அவர்கள் கடையை பார்வையிட்டு, சம்பவத்தை பற்றி உரிமையாளர் மற்றும் வியாபாரிகளிடம் கேட்டறிந்தார். இதுபோன்ற அராஜகங்கள் நடக்காமல் அரசு நடவடிக்கை எடுக்க வேண்டுமென வலியுறுத்தினார்
