புதுவையில் 85,531 வாக்காளர்கள் நீக்கம்: மாவட்ட தேர்தல் அதிகாரி தகவல்
புதுச்சேரி: தீவிர சிறப்பு வாக்காளர் திருத்தப் பணிகள் நிறைவடைந்ததை தொடர்ந்து, புதுச்சேரியில் வரைவு வாக்காளர் பட்டியலை ஆட்சியர் குலோத்துங்கன் இன்று வெளியிட்டார்.
இந்த திருத்தத்தின் அடிப்படையில், புதுச்சேரியில் மொத்த வாக்காளர்களில் 10.04 சதவீதம் என 85,531 வாக்காளர்கள் பட்டியலில் இருந்து நீக்கப்பட்டுள்ளதாக அறிவிக்கப்பட்டுள்ளது.
புதுச்சேரி, மாஹே மற்றும் யேனாம் ஆகிய பகுதிகளில் மேற்கொள்ளப்பட்ட சிறப்பு வாக்காளர் திருத்தப் பணிகளின் முடிவாக இந்த வரைவு பட்டியல் வெளியிடப்பட்டதாக தேர்தல் அதிகாரிகள் தெரிவித்துள்ளனர்.
இதனிடையே, தகுதியான வாக்காளர்கள் தவறுதலாக நீக்கப்பட்டிருந்தால், வரும் ஜனவரி 15-ஆம் தேதி வரை பெயர் சேர்க்க விண்ணப்பிக்கலாம் என தேர்தல் துறை அறிவித்துள்ளது.
