ஏன் அன்னாபிஷேகம் நடத்தப்படுகிறது?
ஒவ்வோர் ஆண்டும் ஐப்பசி பௌர்ணமி நாளில், அனைத்து சிவாலயங்களிலும் சிறப்பு அன்னாபிஷேகம் நடைபெறுவது பாரம்பரிய வழக்கம். உயிர்களுக்கு உணவளிக்கும் சிவபெருமானுக்கு நன்றி செலுத்தும் விதமாக, சிவலிங்கத்தின் மீது வெந்த சாதம் வைத்து வழிபடுவதே அன்னாபிஷேகம் ஆகும்.
அன்னம் பரப்பிரம்மம் எனப்படும் உணவு, உடலையும் உள்ளத்தையும் வளர்க்கும் புனிதம் வாய்ந்தது. அதனால், அதை ஆண்டவனுக்கு படைத்து பிரசாதமாக எடுத்துக் கொள்வது பாவநிவாரணமாகக் கருதப்படுகிறது.
ஐப்பசி பௌர்ணமியின் சிறப்பு:
இந்த நாளில் சந்திரன் தன் சாபத்திலிருந்து விடுபட்டு பதினாறு கலைகளுடன் முழுப் பொலிவை அடைகிறான். வானியல் ரீதியாகவும் இந்நாளில் நிலவு பூமிக்குக் அருகில் இருந்து அதிக ஒளி வீசுகிறது. அதனால், சந்திரனுக்குரிய தானியம் எனக் கருதப்படும் அரிசியால் சிவனுக்கு அன்னாபிஷேகம் செய்வது சிறப்பாகும்.
அன்னாபிஷேகத்தின் நடைமுறை:
முதலில் பால், தயிர், தேன், திருநீறு போன்ற ஐந்து வகை பொருட்களால் அபிஷேகம் செய்து, பின்னர் வடித்த சாதம் வைத்து லிங்கத்தை முழுமையாக மூடி வழிபடுவார்கள். இரண்டு நாழிகை நேரம் வேதபாராயணம் நடைபெறும். பின்னர், அந்த அன்னம் நீரில் கரைக்கப்பட்டு நீர்வாழ் உயிர்களுக்கு உணவாக அளிக்கப்படும்.
அன்னத்தின் தெய்வீக நோக்கம்:
அன்னம் என்பது பஞ்சபூதங்களின் சேர்க்கையால் உண்டாகும். அதனால், அதை ஆண்டவனுக்கு படைத்து, பிற உயிர்களுடன் பகிர்வது நம் முன்னோர்கள் அமைத்த உயர்ந்த வழிபாடு. அன்னாபிஷேகம் செய்வதால் வீட்டிலும் நாட்டிலும் உணவுப் பஞ்சம் வராது, உடல் ஆரோக்கியம், குழந்தை பாக்கியம் ஆகியவை கிட்டும் என நம்பப்படுகிறது.
