பாலைவனத்தில் பூத்த அதிசயம்!

எல் நினோவால் பெய்த கனமழையைத் தொடர்ந்து, உலகின் மிக வறண்ட பகுதிகளில் ஒன்றான சிலியின் அட்டகாமா பாலைவனம் தற்போது வண்ணமயமான பூக்களால் பூத்துக் குலுங்குகிறது.

பல ஆண்டுகளாக கடுமையான வறட்சியால் காணப்பட்ட இந்த பாலைவனப் பகுதியில், மழைக்குப் பிறகு மண்ணுக்குள் புதைந்து கிடந்த மலர் விதைகள் முளைத்து, பல்வேறு வண்ணங்களில் பூக்கள் மலர்ந்துள்ளன. இயற்கையின் இந்த அரிய காட்சி அப்பகுதிக்கு வரும் சுற்றுலாப் பயணிகளையும் இயற்கை ஆர்வலர்களையும் வெகுவாக கவர்ந்துள்ளது.

அட்டகாமா பாலைவனம் ஆண்டுக்கு மிகக் குறைந்த அளவே மழைப்பொழிவைப் பெறும் பகுதியாக அறியப்படுகிறது. ஆனால் குறிப்பிட்ட காலங்களில் கிடைக்கும் மழை மற்றும் தட்பவெப்பநிலை மாற்றங்கள் காரணமாக, பாலைவனத்தில் புதைந்திருக்கும் விதைகள் மீண்டும் உயிர்பெற்று பூக்களாக மலர்கின்றன.

இந்த நிகழ்வு பொதுவாக “Desert Bloom” என அழைக்கப்படுகிறது. ஒரே நேரத்தில் ஆயிரக்கணக்கான பூக்கள் மலரும்போது, வழக்கமாக வறண்ட பழுப்பு நிறத்தில் காணப்படும் பாலைவனப் பகுதி இளஞ்சிவப்பு, ஊதா, மஞ்சள் உள்ளிட்ட பல வண்ணங்களில் காட்சியளிக்கிறது.

இயற்கையின் மாற்றங்களை வெளிப்படுத்தும் இந்த அரிய காட்சி தற்போது சமூக வலைதளங்களிலும் கவனம் பெற்றுள்ளது