பதக்க வேட்டை! ஆசிய விளையாட்டு போட்டியில் துப்பாக்கி சுடுதல் (TRAP) கலப்பு இரட்டையர் பிரிவில் இந்தியாவுக்கு தங்கப் பதக்கம்!
இந்தியாவின் நீரு தண்டா – கினான் சென்னாய் ஜோடி சிறப்பாக செயல்பட்டு கலப்பு இரட்டையர் TRAP பிரிவில் தங்கப் பதக்கத்தை கைப்பற்றியுள்ளது.
இதன் மூலம் ஆசிய விளையாட்டுப் போட்டியில் இந்தியாவின் பதக்க வேட்டையில் மேலும் ஒரு தங்கம் இணைந்துள்ளது. குறிப்பாக நீரு தண்டாவுக்கு இந்த ஆசிய விளையாட்டுப் போட்டி மிகவும் சிறப்பானதாக அமைந்துள்ளது. இதற்கு முன்னதாக பெண்களுக்கான தனிநபர் TRAP பிரிவிலும் அவர் தங்கம் வென்று சாதனை படைத்திருந்தார்.
மழை பெய்த சூழலிலும் சிறப்பான கவனம் மற்றும் துல்லியத்துடன் இலக்குகளை குறிவைத்த நீரு தண்டா, தொடர்ந்து தனது திறமையை வெளிப்படுத்தி வருகிறார். கினான் சென்னாயுடன் இணைந்து கலப்பு இரட்டையர் பிரிவிலும் சிறப்பாக செயல்பட்டு இந்தியாவுக்கு மற்றொரு தங்கத்தை பெற்றுத் தந்துள்ளார்.
இந்த வெற்றியின் மூலம் இந்திய துப்பாக்கி சுடுதல் வீரர்களின் சிறப்பான செயல்பாடு மீண்டும் கவனம் பெற்றுள்ளது. இந்திய வீரர்களின் தொடர் பதக்க வேட்டை ரசிகர்களிடையே உற்சாகத்தை ஏற்படுத்தியுள்ளது
