Avatar-ஐ மீண்டும் வீழ்த்திய Avengers Endgame.. உலக பாக்ஸ் ஆபீஸில் மறுபடியும் நம்பர் 1!

மீண்டும் உலக பாக்ஸ் ஆபீஸில் நம்பர் 1 இடத்தை பிடித்துள்ளது ‘Avengers: Endgame’. 2019-ம் ஆண்டு வெளியான இந்த Marvel திரைப்படம், வெளியான சில ஆண்டுகளுக்குப் பிறகு ‘Avatar’ படத்திடம் இழந்த முதலிடத்தை தற்போது மீண்டும் கைப்பற்றியுள்ளது.

‘Avengers: Endgame Encore’ என்ற பெயரில் 2026-ல் இப்படம் மறுவெளியீடு செய்யப்பட்டது. இந்த ரீ-ரிலீஸுக்கு ரசிகர்கள் மத்தியில் கிடைத்த வரவேற்பு காரணமாக, படத்தின் ஒட்டுமொத்த உலக வசூல் மேலும் அதிகரித்துள்ளது.

தற்போதைய கணக்குப்படி, ‘Avengers: Endgame’ உலகம் முழுவதும் சுமார் 2.9255 பில்லியன் அமெரிக்க டாலர்களை வசூலித்துள்ளது. இந்திய மதிப்பில் இது சுமார் ரூ.2.81 லட்சம் கோடி. இதன் மூலம் சுமார் 2.9237 பில்லியன் டாலர் வசூலித்திருந்த ‘Avatar’ படத்தை மிகக் குறைந்த வித்தியாசத்தில் பின்னுக்குத் தள்ளியுள்ளது.

இதற்கு முன்பும் இந்த இரண்டு படங்களுக்கும் இடையே நம்பர் 1 இடத்திற்கான போட்டி பலமுறை நடைபெற்றுள்ளது. 2019-ல் ‘Endgame’ முதன்முறையாக ‘Avatar’-ஐ முந்தி உலகின் அதிக வசூல் செய்த படமாக மாறியது. பின்னர் ‘Avatar’ மீண்டும் திரையரங்குகளில் வெளியானதைத் தொடர்ந்து 2021-ல் முதலிடத்தை கைப்பற்றியது.

இந்நிலையில், ‘Endgame Encore’ ரீ-ரிலீஸ் மூலம் மீண்டும் வசூல் வேட்டையை தொடங்கிய Avengers: Endgame, தற்போது உலக பாக்ஸ் ஆபீஸில் மீண்டும் சிம்மாசனத்தை பிடித்துள்ளது. குறிப்பாக அடுத்த ‘Avengers: Doomsday’ படத்திற்கான எதிர்பார்ப்பும் இந்த ரீ-ரிலீஸுக்கு கூடுதல் கவனம் கிடைக்க காரணமாக அமைந்துள்ளது