தீபாவளிக்கு 6 காட்சிகளுக்கு அனுமதி – தமிழக அரசுக்கு சீமான் எதிர்ப்பு!

தீபாவளி பண்டிகையை முன்னிட்டு திரையரங்குகளில் ஒரு நாளைக்கு 6 காட்சிகள் திரையிட தமிழக அரசு அனுமதி வழங்கியுள்ளதற்கு நாம் தமிழர் கட்சியின் தலைமை ஒருங்கிணைப்பாளர் சீமான் கடும் எதிர்ப்பு தெரிவித்துள்ளார்.

தீபாவளி பண்டிகையை முன்னிட்டு புதிய திரைப்படங்கள் வெளியாக உள்ளதால், ரசிகர்களின் வருகை அதிகரிக்கும் என எதிர்பார்க்கப்படுகிறது. இதனை கருத்தில் கொண்டு நவம்பர் 6 முதல் நவம்பர் 8ஆம் தேதி வரை மூன்று நாட்களுக்கு, திரையரங்குகளில் கூடுதல் காட்சிகளைத் திரையிட தமிழக அரசு அனுமதி வழங்கியுள்ளது. இதன்படி, ஒரு நாளைக்கு அதிகபட்சமாக 6 காட்சிகள் திரையிடலாம் என அறிவிக்கப்பட்டுள்ளது.

இந்நிலையில், தமிழக அரசின் இந்த முடிவுக்கு எதிர்ப்பு தெரிவித்துள்ள சீமான், திரையரங்குகளில் கூடுதல் காட்சிகளுக்கு அனுமதி வழங்குவது எந்த வகையில் மக்களுக்கு பயனளிக்கும் எனக் கேள்வி எழுப்பியுள்ளார்.

மேலும், தேர்தல் காலத்தில் பல்வேறு மாற்றங்களைக் கொண்டு வருவதாக வாக்குறுதி அளித்துவிட்டு, தற்போது கூடுதல் திரைப்படக் காட்சிகளுக்கு அனுமதி வழங்குவது ஏன் என்றும் விமர்சித்துள்ளார்.

இதுதான் நீங்கள் கொண்டு வருவதாகச் சொன்ன மாற்றமா முதல்வரே? என முதல்வர் விஜயை நேரடியாகக் குறிப்பிட்டு சீமான் கேள்வி எழுப்பியுள்ளார்.

திரையரங்குகளில் கூடுதல் காட்சிகளுக்கு அனுமதி வழங்குவது தொடர்பான தமிழக அரசின் முடிவு அரசியல் வட்டாரத்திலும் திரைத்துறையிலும் விவாதத்தை ஏற்படுத்தியுள்ளது. தீபாவளி திரைப்பட வெளியீடுகளை எதிர்பார்த்துக் காத்திருக்கும் ரசிகர்களிடையேயும் இந்த அறிவிப்பு கவனம் பெற்றுள்ளது