சும்மா இல்ல 2,000 பேர்..! அதிரடி முடிவெடுத்த BBC – ரூ.5,300 கோடி செலவைக் குறைக்கத் திட்டம்!

உலகின் முன்னணி செய்தி நிறுவனங்களில் ஒன்றான BBC, நிதி நெருக்கடியைச் சமாளிக்கும் வகையில் உலகளவில் சுமார் 2,000 ஊழியர்களைப் பணிநீக்கம் செய்யத் திட்டமிட்டுள்ளது.

அதிகரித்து வரும் செலவுகள் மற்றும் நிதி அழுத்தங்களைக் கருத்தில் கொண்டு, நிறுவனத்தின் செயல்பாட்டுச் செலவுகளைக் குறைக்கும் நடவடிக்கைகளில் BBC இறங்கியுள்ளது. இதன் ஒரு பகுதியாக, உலகம் முழுவதும் பணியாற்றும் ஊழியர்களில் சுமார் 2,000 பேரைக் குறைக்க முடிவு செய்யப்பட்டுள்ளதாகத் தகவல்கள் தெரிவிக்கின்றன.

இந்தப் பணிநீக்க நடவடிக்கையின் மூலம் சுமார் 500 மில்லியன் பவுண்டுகள், அதாவது இந்திய மதிப்பில் ஏறத்தாழ ரூ.5,300 கோடி அளவிலான செலவைக் குறைக்க நிறுவனம் இலக்கு வைத்துள்ளது.

சர்வதேச அளவில் செய்தி ஒளிபரப்பு, வானொலி, டிஜிட்டல் தளங்கள் உள்ளிட்ட பல்வேறு பிரிவுகளில் செயல்பட்டு வரும் BBC-யின் இந்த முடிவு, ஊடகத் துறையில் பெரும் கவனத்தைப் பெற்றுள்ளது. உலகளவில் பல ஊடக நிறுவனங்கள் டிஜிட்டல் மாற்றம், வருவாய் அழுத்தம் மற்றும் அதிகரிக்கும் செயல்பாட்டுச் செலவுகள் போன்ற சவால்களை எதிர்கொண்டு வரும் நிலையில், BBC-யின் இந்த நடவடிக்கை முக்கியத்துவம் பெற்றுள்ளது.

எனினும், எந்தெந்தப் பிரிவுகளில் பணியாளர்கள் குறைக்கப்படுவார்கள், இந்த நடவடிக்கை எந்தெந்த நாடுகளில் தாக்கத்தை ஏற்படுத்தும் என்பது குறித்த விரிவான விவரங்கள் வெளியாக வேண்டியுள்ளது.