முதல்வர் விஜய்யின் பெரம்பூர் அலுவலகத்தில் குவிந்த மாணவர்கள்! இலவச கல்வி உபகரணங்கள் வழங்கல்!
தமிழக முதல்வர் சி. ஜோசப் விஜய்யின் பெரம்பூர் தொகுதி அலுவலகத்தில் இலவச கல்வி உபகரணங்களைப் பெறுவதற்காக மாணவர்களும், பெற்றோர்களும் அதிக அளவில் திரண்டு வருகின்றனர். பள்ளி மாணவர்களுக்குத் தேவையான கல்வி உபகரணங்கள் வழங்கப்பட்டு வருவதால், அப்பகுதியில் நீண்ட வரிசையில் மக்கள் காத்திருக்கும் காட்சிகள் கவனம் பெற்றுள்ளன.
தமிழக வெற்றிக் கழகம் (TVK) சார்பில் மேற்கொள்ளப்படும் இந்த நடவடிக்கையின் மூலம், மாணவர்களுக்கு நோட்டுப் புத்தகங்கள், பேனா, பென்சில், பென்சில் பாக்ஸ், அழிப்பான் மற்றும் கூர்மையாக்கி உள்ளிட்ட கல்வி உபகரணங்கள் வழங்கப்படுகின்றன. இதுவரை சுமார் 700 மாணவர்கள் இந்தப் பொருட்களைப் பெற்றுள்ளதாகத் தகவல்கள் தெரிவிக்கின்றன.
இன்றும் கல்வி உபகரணங்களைப் பெறுவதற்காக மாணவர்களும், பெற்றோர்களும் தொடர்ந்து வருவதால் அலுவலகத்தில் கூட்டம் அதிகரித்துள்ளது. குறிப்பாக, 10 வயதுக்குட்பட்ட சிறுவர்கள் பலரும் இந்த நிகழ்வில் பங்கேற்றுள்ளனர். அவர்களில் பலர் முதல்வர் விஜய்யின் ரசிகர்களாக இருப்பதாகவும் கூறப்படுகிறது.
இந்தக் கல்வி உபகரணங்கள் வழங்கும் நடவடிக்கை தமிழக அரசின் திட்டத்தின் கீழ் நடைபெறுவது அல்ல; தமிழக வெற்றிக் கழகம் சார்பில் மேற்கொள்ளப்படுகிறது என்பது குறிப்பிடத்தக்கது. மாணவர்களுக்குக் கல்விக்குத் தேவையான அடிப்படைப் பொருட்களை வழங்கும் இந்த முயற்சி தற்போது கவனம் ஈர்த்துள்ளது.
