இளம் பெண்களையும் தாக்கும் மாரடைப்பு.. கவனிக்க வேண்டிய அறிகுறிகள்!

மாரடைப்பு என்றாலே வயதானவர்களுக்கு மட்டுமே ஏற்படும் பிரச்சனை என்ற எண்ணம் பலரிடமும் உள்ளது. ஆனால், இளம் மற்றும் நடுத்தர வயது பெண்களுக்கும் Acute Coronary Syndrome (ACS) எனப்படும் இதய ரத்த ஓட்டப் பிரச்சனைகள் ஏற்படலாம் என மருத்துவ நிபுணர்கள் தொடர்ந்து வலியுறுத்தி வருகின்றனர். குறிப்பாக மாதவிடாய் நிற்காத வயதுடைய பெண்களிடையே இந்த ஆபத்து முன்பு குறைவாக கவனிக்கப்பட்டதாக அமெரிக்கன் ஹார்ட் அசோசியேஷன் குறிப்பிடுகிறது.

30 முதல் 40 வயது வரை வெளிப்படையாக ஆரோக்கியமாகத் தெரியும் பெண்களுக்கும் மாரடைப்பு ஏற்படுவதற்கு பல்வேறு காரணிகள் இருக்கலாம். உயர் ரத்த அழுத்தம், அதிக கொழுப்பு, சர்க்கரை நோய், உடல் பருமன், புகைப்பிடித்தல் மற்றும் குடும்பத்தில் இளம் வயதிலேயே இதய நோய் ஏற்பட்ட வரலாறு போன்றவை முக்கியமான ஆபத்து காரணிகளாக உள்ளன. மேலும், கர்ப்ப காலத்தில் ஏற்பட்ட preeclampsia அல்லது இளம் வயதிலேயே menopause ஏற்படுதல் போன்ற சில மருத்துவ வரலாறுகளும் இதய நோய் அபாயத்துடன் தொடர்புடையதாகக் கூறப்படுகிறது.

பெண்களுக்கு அறிகுறிகள் எப்படி இருக்கும்?

மாரடைப்பு என்றால் நெஞ்சில் கடுமையான வலி மட்டுமே இருக்கும் என்று நினைப்பது தவறு. பெண்களிடம் நெஞ்சு அழுத்தம் அல்லது வலி, மூச்சுத்திணறல், முதுகு அல்லது தாடை வலி, குமட்டல், அதிகப்படியான சோர்வு, தலைசுற்றல், குளிர் வியர்வை போன்ற அறிகுறிகளும் இருக்கலாம். சில நேரங்களில் இந்த அறிகுறிகள் அஜீரணம், அமிலத்தன்மை அல்லது சாதாரண சோர்வு என்று தவறாக நினைக்கப்படலாம்.

மாரடைப்பு என்றால் நெஞ்சில் கடுமையான வலி மட்டுமே இருக்கும் என்று நினைப்பது தவறு. பெண்களிடம் நெஞ்சு அழுத்தம் அல்லது வலி, மூச்சுத்திணறல், முதுகு அல்லது தாடை வலி, குமட்டல், அதிகப்படியான சோர்வு, தலைசுற்றல், குளிர் வியர்வை போன்ற அறிகுறிகளும் இருக்கலாம். சில நேரங்களில் இந்த அறிகுறிகள் அஜீரணம், அமிலத்தன்மை அல்லது சாதாரண சோர்வு என்று தவறாக நினைக்கப்படலாம்.

மேலும், இளம் பெண்களிடம் atherosclerosis அல்லாத காரணங்களாலும் இதய ரத்த ஓட்டப் பிரச்சனை ஏற்படலாம். அதில் Spontaneous Coronary Artery Dissection (SCAD) எனப்படும் இதய ரத்தக் குழாயின் சுவரில் ஏற்படும் திடீர் கிழிவு போன்ற அரிதான நிலையும் அடங்கும். இது குறிப்பாக இளம் பெண்களிடம் கவனிக்க வேண்டிய காரணிகளில் ஒன்றாக AHA குறிப்பிடுகிறது.

சமீபத்திய AHA தகவலின்படி, சில மாரடைப்புகள் மிகவும் லேசான அறிகுறிகளுடனோ அல்லது வெளிப்படையான அறிகுறிகள் இல்லாமலோ ஏற்படலாம். இவை silent heart attack என அழைக்கப்படுகின்றன. காரணம் புரியாத சோர்வு, மூச்சுத்திணறல், அஜீரணம் போன்ற உணர்வு, தலைசுற்றல் அல்லது லேசான நெஞ்சு அசௌகரியம் போன்றவை கூட கவனிக்க வேண்டிய அறிகுறிகளாக இருக்கலாம்

எனவே, வயது குறைவாக இருப்பதால் இதயப் பிரச்சனை வராது என்று அலட்சியப்படுத்தாமல், தொடர்ந்து ஏற்படும் அல்லது திடீரென தோன்றும் அறிகுறிகளை கவனிக்க வேண்டும். குறிப்பாக நெஞ்சுவலி அல்லது அழுத்தத்துடன் மூச்சுத்திணறல், குளிர் வியர்வை, குமட்டல், தலைசுற்றல் போன்ற அறிகுறிகள் இருந்தால் உடனடியாக அவசர மருத்துவ உதவியை நாடுவது அவசியம்.