விவசாயிகளுக்கு ரூ.75,000 வரை பயிர்க்கடன் தள்ளுபடி – தமிழக அரசு அதிரடி அறிவிப்பு!

தமிழக விவசாயிகளுக்கு நிவாரணம் அளிக்கும் வகையில், கூட்டுறவு நிறுவனங்கள் மூலம் பயிர்க்கடன் பெற்ற அனைத்து விவசாயிகளுக்கும் ரூ.75,000 வரை பயிர்க்கடன் தள்ளுபடி செய்யப்படும் என தமிழக முதலமைச்சர் அறிவித்துள்ளார்.

இதன்படி, விவசாயிகளிடையே எவ்வித பாகுபாடுமின்றி தகுதியான அனைத்து விவசாயிகளுக்கும் இந்தக் கடன் தள்ளுபடி வழங்கப்பட உள்ளது. மேலும், தள்ளுபடிக்குத் தகுதியான பயிர்க்கடன்களுக்கான காலவரம்பு 01.05.2025 முதல் 31.03.2026 வரை நீட்டிக்கப்பட்டுள்ளது.

இந்தத் திட்டத்தைச் செயல்படுத்துவதற்காக தமிழக அரசு மொத்தம் ரூ.9,062.83 கோடி நிதி ஒதுக்கீடு செய்துள்ளது. இதன் மூலம் கூட்டுறவு நிறுவனங்களில் பயிர்க்கடன் பெற்றுள்ள விவசாயிகள் பயனடைவார்கள் என எதிர்பார்க்கப்படுகிறது.

விவசாயிகளின் கடன் சுமையைக் குறைத்து, விவசாயப் பணிகளைத் தொடர்ந்து மேற்கொள்ள உதவும் நோக்கில் இந்த அறிவிப்பு வெளியாகியுள்ளது.