இலவச அரிசிக்குப் பதிலாக வங்கிக் கணக்கில் பணம் – புதுச்சேரி அரசு ரூ.122.93 கோடி வரவு!

புதுச்சேரியில் குடும்ப அட்டைதாரர்களுக்கு இலவச அரிசிக்குப் பதிலாக அதற்குரிய பணத்தை வங்கிக் கணக்குகளில் செலுத்தியுள்ளது அம்மாநில அரசு. இதற்காக 6 மாதங்களுக்கான தொகையாக மொத்தம் ரூ.122.93 கோடி ஒதுக்கீடு செய்யப்பட்டு பயனாளிகளின் வங்கிக் கணக்குகளில் வரவு வைக்கப்பட்டுள்ளது.

இதன்படி, சிவப்பு நிற குடும்ப அட்டை வைத்திருப்பவர்களுக்கு மாதந்தோறும் வழங்கப்படும் 20 கிலோ இலவச அரிசிக்குப் பதிலாக ரூ.860 வழங்கப்படுகிறது. அதேபோல், மஞ்சள் நிற குடும்ப அட்டைதாரர்களுக்கு மாதந்தோறும் வழங்கப்படும் 10 கிலோ அரிசிக்குப் பதிலாக ரூ.430 வழங்கப்படுகிறது.

இந்தத் தொகை பயனாளிகளின் வங்கிக் கணக்குகளில் நேரடியாகச் செலுத்தப்பட்டுள்ளது. இதன் மூலம் குடும்ப அட்டைதாரர்கள் தங்களுக்குத் தேவையான அரிசியை வெளிச்சந்தையில் வாங்கிக்கொள்ள முடியும்.

இலவச அரிசித் திட்டத்திற்குப் பதிலாகப் பணம் வழங்கும் இந்த நடைமுறையால் புதுச்சேரியில் உள்ள குடும்ப அட்டைதாரர்கள் பயனடைந்துள்ளனர். மொத்தம் 6 மாதங்களுக்கான தொகை ஒரே நேரத்தில் வரவு வைக்கப்பட்டுள்ளதால் பயனாளிகள் மத்தியில் கவனம் பெற்றுள்ளது.