நவம்பர் 20-ல் திரைக்கு வரும் ‘ஓம்’ திரைப்படம்… ரசிகர்களின் எதிர்பார்ப்பை எகிற வைக்கும் ட்ரெய்லர் நாளை வெளியீடு!
ராஜ்குமார் பெரியசாமி இயக்கத்தில் தனுஷ், மலையாள சூப்பர் ஸ்டார் மம்முட்டி, சாய் பல்லவி, ஸ்ரீலீலா, நசிருதீன் ஷா மற்றும் இந்திரன்ஸ் உள்ளிட்ட பல முன்னணி நட்சத்திரங்கள் இணைந்து நடித்துள்ள திரைப்படம் ‘ஓம்: அத்தியாயம் 1 – உத்திரம்’ (OM: Chapter 1 – Udhiram – The Blood Wood).
பெரும் எதிர்பார்ப்பை ஏற்படுத்தியுள்ள இப்படம் வரும் நவம்பர் 20, 2026 அன்று திரையரங்குகளில் வெளியாக உள்ளது. இப்படத்திற்கு இசையமைப்பாளர் சாய் அபயங்கர் இசையமைத்துள்ளார். குறிப்பாக, சுமார் 7 ஆண்டுகளுக்குப் பிறகு நடிகர் மம்முட்டி இப்படத்தின் மூலம் மீண்டும் தமிழ் சினிமாவில் நடித்திருப்பது ரசிகர்களிடையே கூடுதல் எதிர்பார்ப்பை ஏற்படுத்தியுள்ளது.
மேலும், தனுஷ் மற்றும் மம்முட்டி போன்ற முன்னணி நடிகர்கள் ஒரே படத்தில் இணைந்திருப்பதால் படத்தின் மீதான ஆர்வம் அதிகரித்துள்ளது. வித்தியாசமான கதைக்களத்துடன் உருவாகியுள்ள இப்படத்தின் போஸ்டர்கள் மற்றும் முன்னோட்டங்கள் ஏற்கனவே ரசிகர்களின் கவனத்தை ஈர்த்துள்ளன.
இந்நிலையில், படத்தின் ட்ரெய்லர் நாளை வெளியாகும் என படக்குழு அதிகாரப்பூர்வமாக அறிவித்துள்ளது. இதனால் படத்தின் கதை மற்றும் கதாபாத்திரங்கள் குறித்த கூடுதல் தகவல்கள் வெளியாகும் என ரசிகர்கள் ஆவலுடன் காத்திருக்கின்றனர்.
